SISTEMA FREE BALANCE IHA MUNISIPÍU VIQUEQUE LA'O HO DIAK HAFOIN EZISTÉNSIA AJÉNSIA TIC TIMOR I.P

Diretór Finansas Munisípiu Viqueque Sente kontente Hetan Apoiu másimu husi Ajénsia TIC TIMOR I.P Bainhira Asesu ba Free Balance.     

  

Diretór Finansas Autoridade Munisípiu Viqueque, Vasco Nunes hateten, sente orgullu ho prezensa TIC TIMOR I.P iha munisípiu Viqueque tanba liu husi apoiu TIC TIMOR I.P sira bele asesu koneksaun liña internet ho diak.  

 

“ Iha munisípiu Viqueque kona-ba koneksaun internet ami sente diak tebes tanba bainhira Ajénsia TIC TIMOR I.P eziste ami iha mudansa boot hodi asesu ba internet diferente tebes ho tempu uluk ”, dehan nia

 

 Agora daudaun Ajénsia TIC TIMOR mós koloka ona ekipa Helpdesk ida iha kada munisípiu hodi nune’e bele fó apoiu ba funsionáriu sira bainhira asesu ba Free Balance.            

 

“Bainhira Ajénsia TIC TIMOR I.P koloka nia ekipa helpdesk iha munisípiu Viqueque ami kontente tebes tanba bele ajuda ami nia servisu ezemplu bainhira hetan fallansu ruma rezolve lalais liu tanba ekipa iha kedan fatin, alende sira rezolve koneksaun internet sira mós ajuda ona ami hodi hadi’a komputadór sira ne’ebé la iha koneksaun ba printing hirak ne’ebé ami iha ba”, hateten Diretór.

 

Entretantu, Diretór Finansas ne’e mós husu atu bele aumenta tan ekipa tékniku ida hodi nune’e bele ajuda tan sira hodi hala’o servisu tanba nesesidade ne’ebé sira presiza iha postu munisípiu barak tebes alende ne’e bainhira ekipa tékniku ida moras ida fali bele kontinua fila-fali ida seluk nia servisu. #Média# TIC