AJÉNSIA TIC TIMOR I.P., ASINA AKORDU HO HNGV HODI FORNESE SERVISU INFORMÁTIKA

Ajénsia Teknolojia Informasaun no Komunikasaun, sigla português (TIC) TIMOR I.P., asina akordu ho Hospital Nasionál Guido Valadares (HNGV) hodi fornese servisu informátika ba HNGV tanba Ajénsia TIC TIM OR I.P nia papél atu jere infraestrutura Governu nia ne’ebé integradu, Dezenvolve plataforma eletróniku hodi atinje Governu Eletróniku, dezenvolve no estabelese padraun informátika, interoperabilidade, interligasaun, sentralizasaun kustu & Seguransa nomós fornese asesoria ba Governu iha area TIK.

Servisu ne’ebé, TIC TIMOR sei fornese ba HNGV maka hanesan “Internet Protocol Address” no korespondente (HNGV.GOV.TL), “Internet Protocol Address” no korespondente (SJO.HNGV.TL), “Email ofisiál” nomós sistema aplikasaun inklui servisu konetividade.

Nota Entendimentu ne’e, asina hosi Diretór Ezekutivu Ajénsia TIC TIMOR I.P., Sr. Roberto Caitano de Sousa Vicente ho Diretór Ezekutivu HNGV Dr. Alito Soares.

Iha biban ne’e, asina mós akordu servisu nível tékniku ne’ebé hosi Diretór Divizaun Dezenvolvimentu Sistema Aplikasaun TIC TIMOR I.P., Sr. Justo Fernandes ho Diretór Ezekutivu HNGV Dr. Alito Soares.

Serimónia asinatura Nota Entendimentu ne’e, hala’o iha âmbitu aniversáriu HNGV ba dala XIX iha edifísiu HNGV Bidau.

Entretantu serimónia ne’e, hetan partisipasaun hosi Ministra Saúde Sra. Odete Maria Freitas Belo inklui konvidadu sira seluk.   #MÉDIA TIC#