DE TIC TIMOR I.P HALA’O ENKONTRU HO XEFE DIVIZAUN SIRA HODI PREPARA OJE 2020

Diretór Ezekutivu Ajénsia Tecnologia da Informação e Comunicação (TIC) TIMOR I.P Roberto Caitano de Sousa Vicente, hala’o enkontru ho Xefe Divizaun sira, hodi orienta atu halo preparasaun ba proposta Orsamentu Jerál Estadu (OJE) 2020 nian .

Iha sorumutu ne’e Diretór Ezekutivu orienta Xefe Divizaun sira, atu reapropria fila fali orsamentu ne’ebé prepara ba tinan 2020 tuir nesesidade Ajénsia nian.

Iha biban ne’e, diskute mós kona-ba planu prioridade Ajénsia nian tanba iha tinan ida ne’e, TIC TIMOR I.P hetan fiar husi Primeiru Ministru atu sai sekretariadu ba planu implementasaun Unique ID, tanba ida ne’e sai hanesan mós prioridade ba governu atu halo integrasaun dadus. Ho nune’e, iha tinan ida ne’e, prepara planu estratéjiku ba implementasaun UID.

Entretantu iha enkontru ne’e, hanoin mós oinsá atu prepara proposta OJE ba tinan fiskál 2021nian. #Média TIC#