DIRETÓR EZEKUTIVU AJÉNSIA TIC TIMOR I.P. SIMU AÚDENSIA HOSI DFAT

Díli, 18 Outubru 2023- Diretór Ezekutivu Ajénsia (TIC) TIMOR I.P., Sr. Venancio Pinto S. KOM, akompaña hosi Assesor Prinsipál, Dr. Eusebio Guterres no Assesora Ezekutiva Sra. Cecilia da Fonseca simu audiénsia hosi reprezentante Embaixada Australia, Sr. Alexander Kahn ho ninia ekipa.

Iha aúdensia ne’e, reprezentante Embaixada Australia iha Timor-Leste,primeiru sekretariu-governansia, Sr. Alexander Kahn hato’o parabéns ba Diretór Ezekutivu tanba foin hahu ninia knar iha Ajénsia TIC TIMOR no agradese tebes ba kooperasaun no kolaborasaun servisu ne'ebé forte entre TIC no nasaun parseiru sira seluk inklui Australia.

reprezentante Embaixada Australia ne’e hatete, Governo Australia hakarak hatene klean liu tan TIC TIMOR ninia atinjimentu servisu durante ne’e, nune’e sira bele fó apoíu ba Governo Timor-Leste liuhosi TIC TIMOR.

“Governo Australia hakarak hatene progresu servisu TIC TIMOR nian, nune’e Australia bele fó apoíu ba servisu Governo nian liu husi TIC TIMOR. Governo ninia xave prioridade ba nesesidade Timor no Australia mak atu apoíu Timor-Leste” dehan Sr. Alexander Kahn.

Primeiru Sekretariu-governansia ne’e esklarese tan, Governo Timor-Leste servisu di’ak liu-liu TIC liuhosi administrasaun públika no Governo Eletroníku no sira nia parte prontu iha termu oinsá mak funsiona Governo konjunta entre TIC no Embaixada Australia.

Parte Embaixada Australia rasik mai ho ninia esbosu hodi fahe ba TIC TIMOR no mós ho parseiru seluk iha Ministériu sira no automatikamente sei hetan apoíu husi Ministra Finansas iha Timor-Leste no embaixada sira seluk iha Australia no sira mós prontu fó apoíu assesor siberseguransa ba TIC Timor.

Sira ninia programa servisu hotu hetan apoíu masímu hosi Ministériu Transporte no Komunikasaun (MTK) tanba sira hatene siberseguransa hanesan programa prioridade hosi TIC TIMOR tanba ne’e sira hakarak servisu hamutuk.

Iha fatin hanesan, Diretór Ezekutivu, (TIC) TIMOR I.P., Sr. Venancio Pinto S. KOM, akresenta katak, nia foin hahu ninia servisu iha Ajénsia TIC no ba futuru hakarak halo kooperasaun servisu diak liu tan ho Governo Australia.

Lider masímu ne’e mós apresia tebes ho prezensa reprezentante hosi Embaixada Australia mai iha TIC TIMOR no ba oin sei kontinua hala’o kooperasaun metin liu tan no husu ba Embaixada Australia iha Timor-Leste atu kontinua fó apoíu TIC TIMOR iha área rekursu umanu ba iha ICT, dehan Diretór Ezekutivu.

Iha fatin hanesan, Assesor Prinsipál TIC TIMOR I.P. Dr. Eusebio Guterres informa ba ekipa Embaixada Australia katak, agora dadaun prosesu servisu TIC TIMOR kontinua lao, iha polítika implementasaun nian importante ba progresu no prosesu servisu iha Timor-Leste.

TIC TIMOR rasik, tutela direta ba MTK no ninia programa prioridade hanesan Timor dijitál hetan ona aprovasaun no oras ne'e analiza hela dokumentu estratejíku siberseguransa. Agora dadaun TIC TIMOR foka liu ba planu asaun anuál Timor dijitál no Governo Electroníku no ida ne’e foka liu ba setór edukasaun , saúde, agrikultura, informa assesor prinsipál ne'e ba ekipa embaixada Australia.

Entretantu, assesor prinsipál ne’e mós hato’o ninia apresiasaun ba Diretór Ezekutivu sesante ninia mandatu halo buat barak ona no TIC sei asegura nafatin implementasaun ba programa Governo ne’ebé a’as no forte liuliu iha IX Governo.

Iha reuniaun ne’e partisipa mós husi, PA Lead Prósivu Sra. Antonina Marques akompaña hosi DFAT Program Coordinator Sr. Jose Marçal. (Média TIC).