DIRETÓR EZEKUTIVU TIC TIMOR I.P APREZENTA PROPOSTA OJE 2020 BA KROP

Diretór Ezekutivu Ajénsia Tecnologia da Informasaun e Comunicação (TIC) TIMOR I.P, Roberto Caitano de Sousa Vicente, akompaña husi Diretora Administrasaun no Finansas Maria da Frosa Marques, halo aprezentasaun ba proposta Orsamentu Jerál Estadu ( OJE) tinan 2020 ba Komité Revizaun Orsamentu Polítika (KROP) ne’ebé lidera husi Primeiru Ministru Taur Matan Ruak iha edifísiu Ministériu Finansas Aitarak Laran.
Xefe Ezekutivu TIC TIMOR hateten, proposta orsamentu tinan 2020 haree liu ba prioridade sira ne’ebé Ajénsia sei halo iha tinan oin no iha nesesidade atu husu orsamentu adisional ho montante millaun $ 4.371,756. 20 ne’ebé uza atu kontinua finansia programa prioridade iha tinan oin, hodi kontinua fornese infraestrutura liga ba konetividade internet ba liña ministerial sira nomós instituisaun estadu sira iha munisípiu hanesan emisaun ba kartaun eleitorál, pasaporte no seluk tan liu husi diresaun notariadu.
Tanba ne’e, kontinua husu orsamentu ne’ebé sa’e ituan kompara ho tinan kotuk ho objetivu atu hadi’a liu tan prestasaun servisu ba públiku. #Média TIC#