DIRETÓR EZEKUTIVU TIC TIMOR I.P HALA’O ENKONTRU REGULAR HO PRIMEIRU –MINISTRU HODI RELATA PROGRESU SERVISU

Diretór Ezekutivu Ajénsia Tecnologia da Informação e Comunicação (TIC) TIMOR I.P, Roberto Caitano de Sousa Vicente, hala’o enkontru regular ho S.E. Primeiru-Ministru (PM) Sr. Taur Matan, iha Palásiu Governu.

Objetivu husi enkontru ne’e, atu relata progresu servisu Ajénsia nian, liuliu kona-ba polítika ba implementasaun programa Governu Eletróniku hodi define área prioridade hanesan, infraestrutura, aprovizionamentu, rekursu umanu nomós lei sira ne’ebé tenke halo no programa ne’e nia durasaun tempu.

Iha biban ne’e, Primeiru Ministru mós husu atu hamosu planu ida ne’ebé maka, integradu no haree mós ba nesesidade liña ministerial sira atu nune’e, bainhira halo planu karik, bazeia ba prioridade instituisaun estadu tomak tanba Governu Eletróniku la’ós haree ba Governu de’it maibé nia papél haree ba iha parte informátika kobre ba instituisaun estadu tomak.  #MÉDIA #TIC