DIRETÓR EZEKUTIVU TIC TIMOR I.P PARTISIPA IHA ENKONTRUTÉKNIKU KONA- BA UNIQUE ID

Diretór Ezekutivu Ajénsia Tenologia da Informação e Comunicação (TIC) TIMOR I.P, Roberto Caitano de Sousa Vicente, partisipa iha enkontru tékniku kona-ba programa Unique ID ne’ebé organiza husi United Nations Development Programme (UNDP).

 

Objetivu husi enkontru ne’e, atu hetan resposta tékniku nomós desizaun tékniku nune’e, haree fali ba desizaun polítika.

 

TIC TIMOR I.P hola parte hanesan, Stakeholder ba projetu preparasaun draft kona-ba Unique ID ne’ebé oras ne’e dadauk prosesu hela no kordena husi Ministériu Reforma Legislativa Asuntu Parlamentar (MRLAP). Programa unique ID ne’e atu fasilita sidadaun sira hodi uza kartaun úniku ba asesu servisu tomak ne’ebé oferese husi estadu no setór privadu sira.

 

Enkontru ne’e hala’o ba dala rua no hetan partisipasaun husi Ministériu Justisa, MRLAP, Ministériu Finansas no TIC TIMOR I.P rasik.