DIRETÓR EZEKUTIVU TIC TIMOR I.P PARTISIPA IHA WORKSHOP NE’EBÉ ORGANIZA HUSI MTCI

Diretór Ezekutivu Ajénsia Tecnologia da Informação e Comunicação (TIC) TIMOR I.P, Roberto Caitano de Sousa Vicente, partisipa iha workshop ne’ebé organiza husi Ministério Turismo Comercio e Industria (MTCI) ho tema “National Consultation of Facilitations Cross-Border Paperies Trade”.
Objetivu husi workshop ne’e, atu haree hamutuk dezenvolvimentu sustentável Timor-Leste nian  liu-liu iha área ekonomia dijitál. Projetu ne’e hanesan faze dahuluk husi esforsu ida ba kapasitasaun komérsiu.
Iha diskusaun, Xefe Ezekutivu sujere, la’ós de’it entre Ministériu Finansas ka organizasaun sira seluk maibé inklui TIC TIMOR I.P,  Ministériu Transporte no Telekomunikasaun (MTK) nomós implikasaun tarefa servisu ne’ebé karik iha relatóriu ne’e, presiza mós sita iha ne’ebá.
Nia informa, Ajénsia mós dezenvolve portal úniku ne’ebé nia prosesu kuaze to’o 80% no karik buat hotu la’o di’ak TIC TIMOR sei halo lansamentu ba ida ne’e ho objetivu atu integra servisu Governu nian iha portal ne’e rasik.
Nia mós salienta katak, atu dudu Online presence maibé tenke rezolve kódigu postal hanesan no númeru uma nian tanba ida ne’e pertinente loos atu prosesu ne’e la’o ba oin.
Sistema online ka kualkér sistema ne’ebé dezenvolve, bele dehan fasil atu dezenvolve maibé bainhira laiha prezensa husi servisu sira ne’e, sei hamosu dezafiu ba implementasaun tanba ne’e mós liga ba servisu postal nian.
Kona-ba Dezastre rekaru Diretór hateten, iha tinan oin TIC TIMOR planu atu halo estudu avaliasaun ba dezastre rekaru nian.  Esforsu ne’ebé agora dadauk halo, ba implementasaun Unique ID, TIC TIMOR mós hola parte iha stakeholders ba implementasaun tékniku.
Ajénsia mós iha planu atu halo Business Process Engineering, iha tinan oin sei halo avaliasaun ba prosesu tomak ba Ministériu hotu liga ba inisiativa governu eletróniku. Tanba Ajénsia nia atribuisaun tuir lei no nia tarefa ida mós atu haree lei ne’ebé maka nesesáriu ICT nian.  
 Prosesu servisu liu husi utilizasaun teknolojia Ajénsia mós iha problema lubuk ida la’ós de’it ba programa tékniku maibé liga mós ho problema ne’ebé legal.
Entretantu iha diskusaun ne’e hetan prezensa husi Tribunal Rekursu, Alfándega, no Ajénsia estadu sira.  #Média TIC#