EKIPA BANKU MUNDIÁL HALA’O ENKONTRU KORDENASAUN SERVISU HO EKIPA TIC TIMOR I.P.

Díli, 10 Outubru 2023- Ekipa Banku Mundiál hala’o enkontru kordenasaun servisu ho ekipa Ajénsia TIC TIMOR I.P hodi ko’alia kona-ba progresu servisu ne’ebe atinje ona.

 

Iha enkontru ne'e, ekipa banku mundiál hakarak hatene klean liu tan kona-ba prosesu servisu iha TIC TIMOR relasiona ho Timor dijitál ba utilizasaun governu nian, planu estratéjia saida mak sei atualiza iha 2030, CiberSeguransa, kabe submarinu, esbosu estratéjia no planu servisu TIC nian bazeia ba nivél servisu.

 

Husi parte TIC TIMOR nian iha ona planu ba tinan 2024, planu asaun ne'ebé fixu no preparadu ona, TIC rasik  iha Diresaun balun ne'ebé mak responsável  ba servisu sira hanesan Diresaun servisu Infraestrutura, Diresaun Dezenvolvimentu Sistema Informasaun no Aplikasaun.

                         

Bainhira hala'o reuniaun ne'e, asesora ezekutiva sra. Cecilia da Fonseca hatete,  hanesan Ezekutiva Diretór nian ne'ebé hala'o servisu doadór nasaun sira seluk hakarak servisu hamutuk no ba esbosu Timor dijitál hetan ona aprovasaun hosi konsellu Ministru no ninia prioridade sira maizumenus iha 19 no iha pilár importante balun ba governu foun atu implementa. 

 

Asesora aumenta tan katak, TIC deskute klean ona kona-ba planu asaun ida ne'e ba tinan 2024, iha asaun lubun balun mak TIC deskute ona iha servisu internal nian ne'ebé sei implementa.

 

Iha oportunu ne'e,asesora ezekutiva ne'e mós agradese ho kooperasaun servisu ne'ebé TIC hala'o ona ho parseiru dezenvolvimentu sira durante ne'e.

 

"Lori nivél ezekutivu TIC TIMOR nian, apresia tebes ba nasaun sira ne'ebé hakarak servisu hamutuk ho TIC no sei identifika saida mak halo ona ne'ebé mak sei iha prosesu nia laran nomos ida ne'ebé seidauk halo no ba tinan ida ne'e atu tau prioridade ba buat ne'ebé ita presija hosi doadór no ajénsia internasional".

 

Entretantu, Asesora Ezekutiva informa mós ba ekipa Banku Mundiál katak, Ajénsia TIC TIMOR rasik, agora dadaun iha planu atu hari Diresaun foun mak hanesan Diresaun CiberSeguransa  no Diresaun Sentru Dadus. (Média TIC ).