EKIPA TIC TIMOR HALA’O ENKONTRU PRELEMINÁRIU HO PREZIDENTE EDTL

Diretór Ezekutivu Ajénsia Tecnologia da Infoirmação e Comunicação (TIC) TIMOR I.P, Roberto Caitano de Sousa Vicente, hamutuk ho ekipa, hala’o enkontru prelemináriu ho Prezidente Eletrisidade Timor-Leste, sigla português (EDTL), Paulo da Silva, ho nia ekipa, iha edifísiu EDTL Caicoli.

Objetivu husi sorumutu ne’e, atu introdús kona-ba servisu TIC TIMOR I.P nian no ba futuru oinsá TIC TIMOR bele fó apoiu ba EDTL iha área iha informátika.

Iha biban ne’e, Xefe Ezekutivu TIC TIMOR mós  informa ba Prezidente EDTL kona-ba, oinsá atu haree asuntu balun  tanba kabu Fibra Ótika  Terrestre (FOT) ne’ebé liga husi tore eletrisidade ne’e, hola parte husi projetu eletrikasaun  tanba koneta ba munisípiu 12 no TIC TIMOR mós aproveita sub estasaun EDTL hodi halo konetividade ba iha edifísiu munisípiu nian ho  ida ne’e, importante tebes ba TICTIMOR no  haree oinsá atu jere jestaun kabu ne’e ho di’ak nune’e iha kontribuisaun ba servisu ne’ebé maka TIC TIMOR fornese ba liña ministerial sira, tantu iha nasionál to’o iha munisípiu 12.

Alende ne’e, oinsá buka maneira tanba Ajénsia TIC TIMOR tuir dekretu lei númeru 29/2017 tenke kontribui reseita hodi hatama ba estadu liu husi infraestrutura TIC TIMOR nomós identifika potensialidade atu hatama reseita ba estadu.

Nia esplika, iha enkontru ho ministru iha tinan kotuk oinsá atu haree jestaun kabu tanba TIC TIMOR nia prezensa la’o tiha ona iha munisípiu 12 liu husi kabu FOT no iha mós diskusaun ruma atu haree, karik bele jere mós kabu sira ne’e, tanba objetivu Governu Eletróniku ekstende   servisu Governu nian la’ós haree ba ida de’it maibé haree mós ba munisípiu tanba TIC TIMOR nia prezensa iha ona munisípiu.

Hatán ba ida ne’e, Prezidente EDTL afirma katak, laiha razaun atu la halo kooperasaun entre EDTL ho TIC TIMOR tanba EDTL  mós hanoin oinsá ba  oin  iha  administrasaun EDTL nian to’o iha nivel munisípiu, sub estasaun sira. Nesesidade sira seluk liga ho servisu EDTL nian importante tebes atu bele servisu hamutuk no ba oin sei iha aplikasaun sira ne’ebé presiza duni ligasaun ho kliente no konsumidór sira.

Agora dadauk EDTL uza hela sistema balun ne’ebé iha, maibé presiza mós software ETDL mós hakarak uza instituisaun sira iha rai laran hanesan TIC TIMOR I.P.

Entretantu, relasiona ho kabu FOT, prezidente haktuir katak, uluk estadu iha polítika harii setór eletrisidade ne’e, iha infraestrutura sira ne’ebé la’o inklui patrimóniu, agora dadauk mós atende   fiu fibra ótika agora tau kompeténsia ba Ministériu Transporte Komunikasaun (MTK) ho nune’e EDTL hahú hanoin oinsá maka halo diskusaun atu hamosu atribuisaun kompeténsia na’in ba sasán ne’e no ba oin sei haree ida ne’e no MTK maka jere ka TIC TIMOR. #MÉDIA TIC#