ESTUDANTE ETI FOMENTU NA’IN 7 KONKLUI ESTÁJIU IHA AJÉNSIA TIC TIMOR I.P

  DILI, Palácio Governo 15 Maiu 2019

Estudante Eskola Téknika Informátika (ETI) Fomento na’in 7 konklui nia estájiu iha Gabinete Primeiru Ministru iha Ajénsia Teconlogia da Informação e Comunicação (TIC) TIMOR I.P hodi kompleta sira nia estudu.

Iha serimónia enserramentu ne’e, Diretór Aplikasaun Ajénsia TIC TIMOR I.P Justo Fernandes lori Ajénsia nia naran, agradese ba estajiáriu sira ne’ebé durante fulan tolu nia laran hala’o estájiu iha iha GPM liu-liu iha Ajénsia TIC TIMOR I.P.

Diretór ne’e mós fó mensajen ba estajiáriu hirak ne’e katak estuda kona-ba teknolojia hakarak ka lakohi nia sempre hamutuk tanba ne’e prepara aan didi’ak nune’e bele hatutan dezenvolvimentu teknolojia iha nasaun ida ne’e.

Iha biban ne’e professor orientadór Eskola Téknika Informátika Marçal dos Santos, agradese ba Diretór Ezekutivu Ajénsia TIC TIMOR I.P ho nia ekipa tomak nomos Gabinete Primeiru Ministru ne’ebé simu ona estudante hirak ne’e hodi hala’ estájiu durante fulan tolu nia laran.

Nia dehan, esperiénsia ne’ebé estajiáriu hirak ne’e hetan sai hanesan bukae ida atu nune’e bele implementa iha futuru mai.

Entretantu Ajénsia TIC TIMOR I.P mós distribui sertifikadu ba estajiáriu hirak ne’e nu’udar símbolu apresiasaun ba estudante sira. Estajiáriu hirak ne’e kompostu husi mane na’in 5 no feto na’in rua # Média# TIC.