HNGV SOLISITA TIC TIMOR I.P. APOÍU KONETIVIDADE REDE NO SISTEMA INFORMASAUN

Díli, 06 Juñu 2024 - Óspital Nasionál Guido Valadares, sigla português (HNGV) solisita Ajénsia TIC TIMOR I.P. atu fornese apoíu konetividade rede, dezenvovlve sitema M-Supply, Sistema Atendimentu, E-mail Ofisial, Jestaun Pasiente Interna, Sistema Armazenamentu Aimoruk ne’ebe existi, inklui konetividade ba Voice Over IP (VoIP), nune’e, bele fasilita servisu atendimentu públiku nian.  

HNGV solisita au-mesmu-tempu TIC TIMOR hodi konsentra hotu Sistema HNGV nian iha Sentru Dadus ne’ebe jere husi TIC TIMOR, nune’e, bele garante seguransa Dadus HNGV nian. 

Iha enkontru ida ne’e, Diretór Ezekutivu Ajénsia TIC TIMOR I.P., Sr. Venâncio Pinto, S. Kom. informa ba ekipa HNGV, katak TIC TIMOR nia  kna’ar maka   hanesan implementador Polítika kona-ba Teknolojia, Informasaun no Komunikasaun (TIK) iha termus número (2.8)   no (6.7), kona-ba Governu Eletroníku liu husi programa IX Governo Constitucional, atribui papel importante no imperativo ida ne’e ba Ajénsia TIC TIMOR, hodi dezenvolve no impulsiona prestasaun servisu ba  instituisaun estadu sira hotu, inklui Óspital Nasionál Guidu Valadader (HNGV), partikularmente iha governo electrónico.    

Iha oportunidade ne’e, Diretora Ezekutiva Interina HGNV Sra. Sara Maria F. Xavier hateten katak, HNGV nesesita tebes Ajénsia TIC TIMOR nia apoiu, konaba dezenvolvimento sistema ne’ebe refere iha leten, nune’e, bele fasilita atividade atendimentu servisu iha HNGV, tanba, servisu hó sistema eletroníku sai hanesan fatores importante tebes ba HNGV. 

Diretora Executiva Interina moz enfatiza katak, servisu hó Sistema eletrôniku, hanesan fator importante tebes, ne’ebe sei fasilita signifikativamente sira nia atividades atendimentu nian, konsidera katak, HGNV hanesan instituisaun governu nian ida ne’ebe maior parte husi nia atividades halo atendimento  servisu ba  públiku sira hotu.

 

Iha enkontru ida ne’e, TIC TIMOR expresa nia prontidaun atu fornese apoíu nesesárius ba HNGV hó konsiderasaun katak, servisu HNGV importante tebes relasiona hó fornesimentu servisu sira ba iha públiku ne’ebé tenke hó kualidade adekuadu.

Konsidera ba k’nar importante ne’ebe HNGV aprezenta, Diretur Ezekutivu solisita ba Diretures relasionadus  iha TIC TIMOR, atu realiza no implementa lalais servisu hirak ne’e iha tempu badak nia laran, nune’e, iha kurtu prazu bele rekolla ona informasaun infraestrutura TIK nian, prepara topolojia nomos proposta implementasaun nian.

Enkontru ne’e hetan moz partisipasaun  husi ekipa Ezekutivu TIC TIMOR nian, inklui kargu xefia sira husi HNGV nian. Entretantu, enkontru ne’e hala’o iha edifisíu Ajénsia TIC TIMOR I.P. Caicoli. 

(Média TIC)