KANDIDATU SELESIONADU HELPDESK BA MUNISÍPIU 12 APREZENTA Á’AN BA AJÉNSIA TIC TIMOR I.P

Kandidatu ne’ebé selesionadu husi ekipa pianista Ajénsia Tecnologia da Informação e Comunicação (TIC) TIMOR I.P, ba vaga helpdesk nian iha Munisípiu 12, aprezenta aan iha instituisaun refere no iha inísiu  fulan Agostu kandidatu hirak ne’e hahú hala’o sira nia nia servisu.

Iha sorumutu ne’e, kandidatu selesionadu Nuno Ângelo da Costa, agradese ba Ajénsia TIC TIMOR I.P tanba bele fó sai vaga ida ne’e, ba públiku no ema hotu bele konkorre bazeia ba esperiénsia ne’ebé iha. Nia dehan, hakarak konkorre ba helpdesk no hakarak mós aplika matenek ne’ebé durante ne’e iha hodi atende kliente sira.

“Ha’u orgullu tebes ho pozisaun ida ne’e no ha’u mós sente orgullu tanba TIC TIMOR I.P hanesan Ajénsia ida ne’ebé haree liu ba eletrónika tanba ne’e ha’u hakarak aprende kle’an liu tan Ajénsia  nia futuru ba oin, oinsá bele kontribui ba nasaun” katak nia.

Iha fatin hanesan Kandidata Verónica Soares haktuir katak, nia Sente kontente tanba bele liu iha selesaun hahú husi selesaun dokumentu, selesaun eskrita, entrevista to’o rezultadu ikus no orgullu ho saida maka nia bele inklui hetan oportunidade atu servisu iha fatin ida ne’e. Tanba ida ne’e nia área espesífiku.

Nia dehan, Prontu servisu no simu saida de’it maka iha, tanba nia rasik hakarak hili área ida ne’e sai nia profesionalidade. 

Alende ne’e, kandidatu selesionadu ba programmer Joãozinho Marques hateten, nia parte sente orgullu tanba Ajénsia ida ne’e hanesan Ajénsia dahuluk ne’ebé uza teknolojia no orgullu bele hetan oportunidade hodi servisu iha fatin ida ne’e hodi suporta dezenvolvimentu teknolojia iha TIC TIMOR. I.P.

Nia haruka, nia konkorre ba vaga helpdesk maibé durante teste eskrita nia konsege konklui pergunta ida ne’ebé monu ba área programmer nian tanba ne’e ikus mai selesiona sai programmer.  

Ho nune’e,  Ofisial Rekursu Umanu TIC TIMOR I.P Juvenál Soares do Carmo Lay informa,    durante prosesu entrevista identifika, iha kandidatu ne’ebé prienxe kritéria programmer nian tanba ne’e maka iha anúnsiu  naran tolu ne’ebé tama iha programmer.

 Nia esplika, prosesu rekrutamentu ida ne’e, tuir prosedimentu ne’ebé iha no rezultadu hotu-hotu tau hamutuk. Ida ne’e maka hanesan kandidatu selesionadu. Iha mós kandidatu rezerva, karik balun la tama bele prienxe.

Kona-ba alokasaun Munisípiu  la’ós tanba Munisípiu maibé iha Munisípiu balun nia ema liu husi ema na’in ida tanba deside oinsá atu aloka sira ba Munisípiu seluk tuir nesesidade ne’ebé iha .Hili kandidatu hirak ne’e la’ós tanba de’it kapasidade tékniku ne’ebé iha maibé haree mós ba atetude personalidade.#Média TIC#