MAPKOMS HATO’O VOTUS PARABÉNS BA TIC TIMOR I.P IHA ÂMBITU ANIVERSÁRIU BA DAHAAT

Ministru Asuntu Parlamentares no Komunikasaun Sosiál (MAPKOMS), Sr. Francisco Martins da Costa Pereira Jerónimo, hato’o votus parabéns ba Ajénsia Tecnologia da Informação e Comunicação (TIC) TIMOR I.P, iha âmbitu aniversáriu ba dahaat nian ne’ebé selebra iha loron 29 fulan Agostu. Governante ne’e, agradese ba Ajénsia TIC TIMOR I.P tanba durante ne’e, fó ona apoiu ba MAPKOMS liu-liu relasaun ho atividade internet nune’e, ohin loron TIC TIMOR halo nia aniversáriu ba dahaat, MAPKOMS hakarak hato’o parabéns ba TIC TIMOR nia servisu durante ne’e tanba servisu di’ak tebes. “Dala ida tan parabéns ba TIC TIMOR tanba ho tinan haat esperiénsia lubuk ida ona hein katak, TIC TIMOR reprezenta unidade Governu nian ne’ebé maka bele fornese ona sistemainformatika ba komunidade,” ministru informa. Hein katak, ho aniversáriu ba dahaat ne’e, bele fó ona mensajen ba timor oan tomak katak, TIC TIMOR hamriik ona hanesan mós Ajénsia ida ne’ebé maka bele fornese liña internet ho atividade hotu-hotu ba komunidade liu-liu ba ministériu hotu-hotu to’o iha munisípiu sira no ikus bele habelar tan ba iha komunidade tomak, atu nune’e bele sente katak, timor oan sira ne’ebé servisu hamutuk iha TIC TMOR, sira mós bele halo ona buat ruma liu-liu ba dezenvolvimentu iha área teknolojia no komunikasaun. “Ami akompaña progresu TIC TIMOR durante ne’e la’o di’ak tebes tanba fahe koñesimentu kona-ba saida maka servisu TIC TIMOR nian iha área teknolojia komunikasaun liu-liu kona-ba informátika nian ne’ebé maka durante ne’e la’o no hein katak, ho servisu ne’ebé maka iha, aumenta tan atu bele di’ak liu ba tinan oin bainhira fibra ótika kabu submarinu tama ona Timor-Leste, TIC TIMOR mós sai ona Ajénsia ne’ebé importante liu iha rai ida ne’e, atu bele dezenvolve di’ak liu teknolojia TIC TIMOR,” Parabéns dala ida tan ba TIC TIMOR I.P, ami nia votus susesu no konta ho MAPKOMS nia apoiu……