SELEBRA ANIVERSÁRIU DAHAAT, PCM ENKORAJA TIC TIMOR I.P HODI KONTINUA SERVISU DI’AK LIU TAN IHA IMPLEMENTASAUN GOVERNU ELETRÓNIKU

Ministru Prezidénsia Konsellu Ministru, Sigla português (PCM), Sr. Fidelis Manuel Leite Magalhães, hato’o votus parabéns ba Ajénsia Tecnologia da Informação e Comunicação (TIC) TIMOR I.P, iha loron aniversáriu ba dahaat nian no enkoraja TIC TIMOR atu kontinua servisu di’ak liu tan iha implementasaun Governu Eletróniku. “Ho haksolok boot tebes mak ha’u hola parte hodi husik nu’udar sinál iha loron festiva ida ne’e, fó-parabéns ba TIC TIMOR tan ninia aniversáriu dahaat, liuliu ninia Diretór Ezekutivu nomós ekipa tomak. Votu sira ne’e, ha’u fó atu ita boot sira kontinua halo ho di’ak liután traballu hodi implementa governasaun eletrónika, ne’ebé fó biban mai ita hadi’ak kualidade prestasaun servisu ba ema hotu-hotu, lori sidadaun sira hodi partisipa iha prosesu foti desizaun no halo Governu sai nu’udar responsavel liu, transparente no efikás," Ministru ne’e hatete, Ajénsia TIC TIMOR hahú iha tinan 2017, ho nia papél importante iha área teknolojia informasaun no komunikasaun ne’ebé, kontribui signifikativa hodi mellora no moderniza servisu Governu nian. Ikus mai sai mós parseiru fundamental iha programa reforma administrasaun públika ne’ebé lidera husi Prezidénsia Konsellu Ministru ne’ebé nomeadamente kria estratéjia ba implementasaun sistema identidade úniku (ID Úniku). Programa ne’e, hanesan baze ba Governasaun Eletróniku nasionál no esensiál tebes atu mellora prestasaun servisu públiku ba sidadaun sira. Iha tinan hirak ikus-ikus ne’e, halo hela mós parseiru fundamentál iha programa Hadi’a Administrasaun Públika, ne’ebé Prezidénsia Konsellu-Ministru maka lidera, liu-liu ko’alia kona-ba hatuur estratéjia hodi implementa Sistema Identifikasaun Úniku ida (ID Úniku, IDU). Programa ida ne’e, nu’udar baze ba Governasaun eletrónika nasionál no sai mós nu’udar esensiál hodi hadi’ak prestasaun servisu públiku sira ba ita nia sidadaun sira. Governante ne’e hatutan tan katak, projetu seluk husi TIC TIMOR ne’ebé importante mós hodi realsa ferramenta eletrónika iha âmbitu implementasaun lei foun ba Prevensaun Kombate Korrupsaun no iha nivel divulgasaun informasaun ba prevensaun no kombate COVID-19. Entretantu, Teknolojia no informasaun hanesan área importante ba transformasaun ne’ebé ekipa TIC TIMOR kontinua halo kapasitasaun atu atinje kapasidade ida ne’ebé inovativu. #MÉDIA TIC#