TÉKNIKU TIC TIMOR I.P FASILITA TREINAMENTU JESTAUN WEBSITE BA PESOAL IT HUSI MPM

Tékniku Ajénsia Tecnologia da Informação e Comunicação (TIC) TIMOR I.P, liu husi Divizaun Dezenvolvimentu Sistema Aplikasaun (DSA) fó treinamentu kona-ba jestaun administrasaun website ba pesoal IT na'in rua husi Ministériu Petróleu no Minerais (MPM). Objetivu husi treinamentu ne’e, atu fó kapasitasaun tékniku ba pesoál IT sira husi MPM atu nune’e, bele jere rasik sira nia website. iha treinamentu ne'e, Joãojinho Marques hanesan treinador hatete, Matéria ne’ebé hanorin durante treinamentu maka hanesan halo Introdusaun kona-ba website, Estrutura Website nian, oinsá atu kria Utilizadór foun nu’udar Administradór web nian, introdusaun pontu importante sira iha Dashboard, oinsá atu atualiza dadus sira ba iha website, oinsá atu Add New, Edit, Delete, Draft, Preview no Publish iha POST, oinsá atu Add New, Edit, Delete, Draft, Preview no Publish iha PAGE, oinsá atu atualiza dadus ba iha tabela sira, oinsá atu kria eventu sira no oinsá atu uza feature Appearance hodi kostumiza website refere. nia informa, treinamentu refere, sei kontinua bainhira husi parte MPM iha difikuldade ruma kona-ba website refere. Entretantu treinamentu ne’e hala’o durante semana ida hahú husi loron 9 to’o 13 fulan Agostu. #MÉDIA TIC#