TÉKNIKU TIC TIMOR I.P HALO APREZENTASAUN TOPOLOJIA BA EKIPA TÉKNIKU SERVE I.P

Tékniku husi Divizaun Infraestrutura Ajénsia Tecnologia da Informação e Comunicação ( TIC) TIMOR I.P, halo aprezentasaun Topolojia no Planu Orsamentu  ba ekipa Tékniku husi Servisu Rejistu no Verifikasaun Emprezariál (SERVE) I.P no konfirma hikas E-mail ne’ebé antes ne’e TIC TIMOR apoiu ona.  

 

Objetivu husi aprezentasaun Topolojia no Planu Orsamentu ne’e, oinsá atu integra koneksaun SERVE I.P nian ba TIC TIMOR hodi kompleta servisu eletróniku ne’ebé ho nia koneksaun lokál.

 

  Tuir Téknika Bernardina Ly Martins katak,  padraun ne’ebé  TIC TIMOR iha,  antes atu halo ligasaun direta liu husi liña Fibra Ótika baibain TIC TIMOR halo levantamentu dadus atu nune’e bele hatene ekipamentu saida maka iha ona no ekipamentu ne’ebé maka sei falta nune’e bele hadi’a liu tan kooperasaun  servisu entre SERVE I.P no Ajénsia TIC TIMOR.

 

Ho ida ne’e, husi parte SERVE I.P agradese ba apoiu ne’ebé TIC TIMOR fó tanba hanesan buat ida ne’ebé importante tebes. Ho TIC TIMOR nia asisténsia no akompañamentu ajuda tebes IT sira iha SERVE I.P hodi deteta saida maka sai hanesan impedementu. #MÉDIA TIC#