TIC TIMOR FÓ-KAPASITASAUN IHA ÁREA INFORMÁTIKA BA MS NINIA TÉKNIKU INFORMÁTIKU

DÍLI, loron-11, fulan-Outubru, tinan-2021

Tékniku Dezenvolvimentu Sistema Aplikasaun (DSA) Ajénsia Teknolojia Informasaun no Komunikasaun (TIC) TIMOR I. P. fó-treinamentu Portál ba Ministériu Saúde ninia IT (MS).        

Treinamentu ba IT Ministériu Saúde ida-ne’e foka liu ba Portál Ministériu nian, treinamentu ne’e nu’udar kontinuasaun hosi kooperasaun ho asinatura MoU entre TIC TIMOR ho MS, ne’ebé realiza iha Suai iha loron-24, fulan-Jullu, tinan-2021.Formasaun refere Diretór Dezenvolvimentu Sistema Aplikasaun, Justo Fernandes maka loke direta.

Bainhira loke treinamentu, Diretór DSA ne’e hateten, Treinamentu Portál Ministériu Saúde nian nu’udar implementasaun kooperasaun ne’ebé hala’o entre TIC ho MS.           

“Treinamentu ba Portál Ministériu Saúde ne’e nu’udar parte kontinuasaun hosi MoU ne’ebé asina tiha ona iha fulan hirak liu ba iha Suai. Durante ne’e, parte rua iha komunikasaun ba malu kona-ba dezenvolvimentu portál no portál ne’ebé daudaun ne’e ba Ministériu Saúde uza plataforma Drupál tama iha kategoria cnms” dehan Diretór.                          

Diretór haktuir, Portál maka imajen ba Instituisaun Estadu sira hotu tanba ne’e importante tebes atu utiliza Portál iha kada Ministériu hotu iha Timor-Leste.                                   

“Portál maka nu’udar imajen Instituisaun informasaun kredivel hirak ne’ebé publika iha ne’ebá presiza haree mós ninia konteúdu nomós linguajen tolu maka iha portál refere tanba ne’e husu kolaborasaun ba diresaun relevante sira hodi tau ninia konteúdu tanba Timor-Leste relasiona ho informasaun ba instituisaun ne’e menus liu ho ne’e, ha’u sempre ko’alia, Ministériu boot balu ninia Portál / Website la iha” Diretór deklara.                 

Diretór realsa tan katak, “iha Timor-Leste portál barak tebes no kada Ministériu la konsentra iha fatin ida, dala ruma ema mai hosi rai-li’ur ho konfuzaun tanba informasaun ida-ne’ebé kredivel mak ida ne’ebé. Tanba baibain informasaun hirak-ne’e asesu hosi Facebook tanba ne’e mak ita kria portál ida hodi tau-hamutuk sistema portál hotu iha Timor, ne’ebé ho naran Single Portal hodi nune’e, informasaun sira hotu bele konsentra iha fatin ida de’it, bainhira ema hosi rai-li’ur vizita de’it single Portal mosu informasaun kompletu iha laran” sujere Diretór.                              

Entretantu, kuaze iha Ministériu hotu foka liu ba notísia maibé informasaun importante la iha tanba ne’e mak treinamentu ne’e ninia folu prinsipál iha Portál Ministériu tanba Ministériu Saúde ninia cove área luan ne’ebé kobre territóriu tomak.                                                                    

Nu’udar fornesedór ba teknolojia TIC TIMOR I.P. tuir rekizitu ne’ebé MS fó-sai, iha momentu asina Service-Level Agreements (SLA) anota ona katak Ajénsia TIC TIMOR uza meiu sira Software Development Life Cycle (SDLC) ne’ebé ninia apoiu téknika  la’o nafatin hahú hosi foti rekizitu, halo análize, dezeñu nomós dezenvolvimentu, ajustamentu, treinamentu, no kontinua fó-apoiu téknika no manutensaun.    

Entretantu, Diretór Aplikasaun ne’e dehan, hotu-hotu hakarak kontribui ba rai doben Timor, saida mak ita hakarak kontribui tuir ita-nia kapasidade ne’ebé iha, ita-nia interese ne’e ida de’it oinsá atu ajuda ita-nia nasaun liu hosi área teknolojia.

Iha fatin hanesan, Sr. Ricardo N. de Jesus Bento, Xefe Departamentu ICT Ministériu Saúde (MS) hateten, agradese tebes ba apoiu ne’ebé TIC TIMOR fó ba MS.

“Agradese tebes ba apoiu ne’ebé parte TIC TIMOR nian fó mai ami liuliu hosi parte Departamentu IT  Ministériu Saúde ninian, ami kleur ona hein ami-nia Website ne’e antes ne’e ami halo revizaun ona ho parte hosi Catalpa maibé la konsege realiza, ho nune’e, ami-nia mehi ida atu utiliza Website ne’e realiza duni tanba durante ne’e ami-nia na’i-ulun sira mós husu kona-ba Website ne’e no ami nafatin informa ba sira katak kontinua servisu hamutuk ho TIC hodi aselera lalais no  halo ramata website ne’e” informa nia.  

Hosi implementasaun Website ne’e bele fahe informasaun ne’ebé di’ak no loloos ba ita-nia públiku sira bele hetan asesu no hosi parte IT MS nian husu ba parte TIC nafatin halo akompañamentu bainhira iha fallansu ruma karik, nune’e hamutuk hodi hadi’a.

Treinamentu ida-ne’e, hala’o durante loron tolu no sei finaliza ho fahe sertifikadu. #Media TIC