TIC TIMOR I.P. REALIZA MINI WORKSHOP HODI INTRODUS SISTEMA INFORMASAUN TEKNOLOJIA GOVERNU DIJITÁL

Ajénsia Teknolojia Informasaun no Komunikasaun sigla portugues TIC TIMOR I.P., liu hosi Diresaun Dezenvolvimentu Sistema Informasaun no Aplikasaun (DDSIA) realiza mini workshop hodi introdus Sistema infirmasaun teknolojia Governu Dijitál.

Objetivu hosi mini workshop ne’e, atu introdus sistema sira ne’ebé dezenvolve ona liu hosi TIC TIMOR ba funsionáriu sira hosi Rejiaun Administrativa Espesiál Oé-Cusse Ambeno(RAEOA)  hodi ajuda funsionáriu sira atu iha koñesimentu hodi uza platorma dijitál sira ne’ebé maka hahú introdus nomós identifika lakuna ruma ne’ebé sai hanesan oportunidade atu nune’e TIC TIMOR bele hadi’a  di’ak liu tan.

Iha abertura ba workshop ne’e, Diretór DDSIA Sr. Justo Fernandes hatete, atu habelar informasaun relasiona ho teknolojia Governu dijitál tanba teknolojia maka sei sai matadalan ba servisu lorloron iha Governu nomós atividade ekonomia sira.

Diretór esplika workshop ne’e sei ntrodus pontu principal rua hanesan, preparasaun prekondisaun saida maka presiza halo nune’e bele intgra iha era dijitál segundu sei fó benefísiu servisu Governu nian.

“ TIC TIMOR fornese ona servisu teknolojia iha munisípiu hotu-hotu no ikus maka iha RAEOA la’os servisu de’it maibé ita mós koloka ona funsionáriu sira iha munisípiu atu garantia sustentabilidade ba infraestrutura no Sistema sira ne’ebé iha,” diretór informa.

Iha workshop ne’e, Diretór mós esplika katak, TIC TIMOR foin eziste iha tinan 2017 maibé servisu balun ajuda ona estadu Timor-Leste iha área teknolojia tanba ne’e workshop ida ne’e bele introdus saida maka halo ona no saida maka sei halo hodi ajuda RAEOA.

Iha fatin hanesan, Prezidente RAEOA Sr. Arsenio Paixão Bano hatete, nia parte orgullu tanba bele fasilita servisu públiku liu-liu Diretór, Xefe Departamentu nomós sekretáriu rejionál sira fasil atu kontrola funsionáriu sira hodi mellora prestasaun servisu públiku iha RAEOA.

“Ha’u interesadu tebes atu tama iha dikusaun ne’e, karik sei iha palikasaun karik bele kria ba RAEOA atu bele kontrola sasan estadu inklui transporte sira no bele granate transparensia atu mellora prestasaun servisu, “ dehan Prezidente iha hotel Ambeno.

Prezidente hatete, baihra tama on aba Governu dijitál sei redus kustu no dadus sira sei sentraliza iha fatin ida.

Alende ne’e Diretór Diresaun Identidade Úniku Sr. Florindo Guterres da Costa mós halo aprezentasaun kona-ba progresu servisu programa Identidade Úniku ne’ebé ne’ebé oras ne’e la’o hela .

Hafoin workshop ne’e remata TIC TIMOR mós atribui sertifikadu apresiasaun ba partipante sira ne’ebé partisipa ona iha workshop ne’e.

Entretantu worksop ne’e, loke hosi Presidente RAEOA no hetan partisipasaun másimu hosi diretór sira nomós funsionáriu sira hosi RAEOA. #MÉDIA# TIC