EKIPA KOMITE TEKNIKU BA PREPARASAUN VIZITA APOSTOLIKA AMO PAPA HALA'O ENKONTRU HO OPERADOR TELEKOMUNIKASAUN SIRA
Díli, 09 Jullu 2024—Diretór Ezekutivu Ajénsia TIC TIMOR I.P. Sr. Venâncio Pinto, hamutuk ho ekipa komite tekníku apoíu konetividade rede Ministériu Transporte no Komunikasaun (MTK) nian liuhusi Autoriedade Nasionál Komunikasaun sigla portugues,(ANC) no Diresaun Nasionál Infraestrutura no Komunikasaun (DNIK) hala’o enkontru ho operadór Timor Telekom, Telemor no Telkomsel.
Enkontru ne’e ho nia objetivu, Ministériu Transporte no Komunikasaun (MTK) pretende solisita ba operadór sira, formas oinsa atu apoíu Governu hodi garante kualidade liña internet bainhira simu vizita Apostóliku Amo Papa nian iha Timor-Leste. Entretantu enkontru refere hala’o iha edifisíu TIC TIMOR I.P. Kaikoli.
(Média)
