Jakarta, 13 Janeiru 2025 - Diretór Ezekutivu TIC TIMOR I.P. Sr. Venâncio Pinto hó  ekipa hala’o enkontru prelemináriu hó Embaixador Timor-Leste ba Indonézia Sr. Roberto Sarmento de Oliveira Soares, iha Jakarta Indonezia.

Objetivu prinsipál husi sorumutu ne’e, atu diskuti kona ba solusoens relasiona hó proposta ba kriasaun Website iha Embaxada Timor-Leste iha Jakarta, fó apoiu hodi kontribui ba komunikasaun no seguransa, liu husi korreiu eletróniku no kriasaun website Embaixada nian ho dominiu Timor-Leste rasik, hodi salvaguarda diplomasia no intrese nasionál Timor-Leste nian. hodi salvaguarda atividades diplomasia no interese nasional Timor-Leste iha país neba.  

Konsidera katak,  Embaixada Repúblika Demokrátika Timor-Leste iha Jakarta nu’udar misaun diplomátika Timor-Leste nian ida ne’ebé boot liu iha estranjeiru ne’ebe asegura  misaun iha Defeza, Seguransa, Edukasaun, Komérsiu no Indústria, Imigrasaun no Saúde.

Hare ba natureza servisu ida ne’e, no atu hametin liu tan komunikasaun diplomasia púbika, korespondénsia intergovenamnetal no instituisaun estadu nian ho Ajénsia internasionál sira no sosiedade sivil, tamba nune’e, Emabixada Timor-Leste iha Jakarta solisita Agência TIC TIMOR I.P.  atu formse  apoiu iha área imformátika nian.

Iha enkontru ne’e, Embaixadór Timor-Leste ba Indonézia Sr. Roberto Sarmento de Oliveira Soares afirma katak, IX Governu fó mandatu espesifika ba TIC TMOR, tanba ne’e, Embaixada husu apoiu atu oinsá dezemvolve website ho diminu Timor-Leste nian, no nia manutensaun hodi implementea hó forma ne’ebe efikásia no efetivu.

Tamba iha tinan ida ne’e, Governu aposta makas, hodi asegura soberania nasionál, partikularmente, la’os de’it hó Indonézia, maibé hó nasaun sira seluk ne’ebé Timor-Leste iha ligasaun amizade no bilateral di’ak tebes. Tamba ne’e, nesesita tebes meius atu asegura komunikasaun sira ne’e. Tamba ne’e, Embaixada iha konfiansa tomak katak, liu husi TIC TIMOR ne’ebé Governu depozita komfiansa  ida ne’e, bele fornese apoiu nesesárias,  nune’e, bele asegura seguransa komunikasaun ida ne’ebe konfortável iha fururu.

“Ami mós kontente tebes ho TIC TIMOR nia vijita mai iha Embaixada, nune’e, bele realiza assessment   kona-ba problema  ida  ida ne’ e,  no bele hetan solusaun iha tempu badak.

Liu tan Embaixador realsa tan katak, sira  presiza tebes atu asegura identidade hodi utiliza teknolojia moderna ohin loron nian, hodi projeta iha ámbitu ida ne’e.  

Iha oportunidade hanesan, Diretór Ezekutiu TIC TIMOR Sr. Venâncio Pinto afirma katak, oportunidade ida ne’e previlejiau boot ida mai TIC TIMOR,  hodi   fó solusaun   ba situasaun ne’ebé Embaixada enfrenta, tanba  papél importante husi Ajénsia TIC TIMOR de akordu hó dekretu lei númeru 29/ 2017, atu implementa polítika teknolojia informasaun no komunikasaun no Governo Elektróniku.

Bazeia ba programa IX Governu nian ne’ebe kontempla iha termus número 2.8, koalia kona-ba Teknolojia Informasaun no Komunikasaun no iha termus número 6.7, kona-ba Governu Eletrónika.

Tamba ne’e, sai hanesan kestaun ne’ebe imperativu ba TIC TIMOR hodi fornese apoius nesesárias   ba Embaixada ba âmbitu utilizasaun sistema ne’ebé TIC TIMOR dezenvolve.

Iha biabn ne’e, Diretór Diresaun Infraetrutura Rede Sr. Henrique Fulgêncio Guterres halo mós aprezentasaun kona-ba Servisu Infraestrutura nian, atu nune’e, bele estabelese nafatin kooperasaun ne’ebe diak hó Embaixada

Hafoin enkontru ne’e, ekipa TIC TIMOR halo levantamentu dadus  ba Infraestrutura Rede ne’ebé eziste iha Konsuladu Timor-Leste iha Bali, Kupang inklui Atambua, inklui aprezentasaun relasiona hó solusoens téknika ba rejultadu levantmentu dadus husi Embaxada refere. 

Entretantu enkontru ida ne’e, partisipa mós husi Xefe Deaprtamentu Infraestrutura Rede Sentru Dadus Sr. Agapito dos Santos Barreto, nomós Junior Software Developer Sr. Rivaldo Guterres.

(MÉDIA TIC )