Díli, 29 Agostu 2025- Komemora aniversáriu ba dala-8, Ajénsia TIC TIMOR I.P, hala’o misa agradesimentu, ne’ebé prezide husi Padre Bento Barros Pereira, iha Igreza Motael.

Iha Omilia Padre Bento Barros Pereira hatete katak, selebra aniversáriu ba dala-8, Ajensia TIC TIMOR nian, hakarak deseza parabéns tanba tinan 8, núdar tinan esperansa, tanba ne’e superior TIC to’o funsionáriu no tékniku sira, nafatin presta servisu ho efetivu, hodi implementa Governu eletróniku iha rai laran.

“ Ohin misa agradesimentu aniversáriu ba Ajénsia TIC TIMOR nian, durante tinan 8, servisu ne’ebé TIC implementa ona, ida ne’e faz parte esforsu tomak ne’ebé TIC alkansa, no ida ne’e sai núdar referensia tau iha pensamentu hodi kontinua servisu ho efetivu iha futuru. Tinan 8 núdar tinan kontinuasaun ba esperensa hodi lori vontade tan iha servisu loron-loron no susesu liu-tan, tanba ne’e deseza parabens ba Superior no funsionáriu no tekniku TIC tomak”.

Padre afirma tán katak, atualmente Timor-Leste opta iha mundu teknolojia, ida ne’e núdar buat foun, maibe nafatin hala’o servisu ho fé no fiar tomak.

“ Atualmente Timor opta teknolojia, sai núdar realidade foun iha sosiedade, maske iha erra dijitalizasaun, maibe ita presta servisu núdar sarani hodi tau fiar iha Nai Jesus Kristu”.

Iha Misa Agradesimentu ne’e Partisipa direta husi Diretor Ezekutivu Ajénsia TIC TIMOR I.P, Sr. Venâncio Pinto, Xefi Gabinete Diretor Ezekutivu, Sra. Merli Sofia Guterres Alves, Diretor Dezenvolvimentu Sistema Informasaun no Aplikasaun, Sr. Justo Fernandes, Asesora Politika ICT & Governasaun Dijitál, mana Elizabeth Baptista , Diretora Diresaun Servisu Koorporativa, Sra. Helen Esmeralda Catarina Gomes, Diretor Dezenvolvimentu Sistema Informasaun no Aplikasaun, Sr. Justo Fernandes, Diretora Diresaun Finansas, Sra. Lucia Maria de Fátima da Costa Tilman, Xefi Fiskál Úniku Sr. José Asa, Xefi Diresaun Dezenvolvimentu Implementasaun no Integrasaun Sistema, Sr. Geovannio Ferderico de Jesus Vinhas, Kordenador Helpdesk, Sr. Florencio Morais G. de Fátima, Xefi Departamentu Seguransa Rede Operasional Sentru Dadus, Sr. Agapito dos Santos Barreto, Xefi Aprovizionamentu, Sr. Mateus de C, Rocha, inklui mos ekipa Tékniku funsionáriu TIC TIMOR sira. (MÉDIA TIC)