Díli, 01 Setembru 2025 ____Diretór Ezekutivu Ajénsia TIC TIMOR I.P., Sr. Venâncio Pinto simu audiénsia husi Enkaregadu Negósiu Embaixada Brunei Darussalam iha Timor-Leste Sr. Dino Ayup iha edifísiu TIC TIMOR Kaikoli.

Sorumutu ne’e, ho bjetivu atu hatene di’ak liu tan kona-ba papél Ajénsia TIC TIMOR nian nomós, progresu servisu ne’ebé atinji ona, inklui planu ne’ebé sei hala’o atu nune’e, iha futuru Brunei Darussalam bele koopera servisu hoTIC TIMOR iha área dijitalizasaun.

Durante enkontru, Diretór Ezekutivu TIC TIMOR Sr. Venâncio Pinto hatete, Ajénsia TIC TIMOR harii iha tinan 2017, bazeia ba dekretu lei númeru 29/2017 no tutela ba Ministériu Transporte no Komunikasaun (MTK).

Lider Máximu TIC TIMOR ne’e esplika katak, Ajénsia TIC TIMOR nia misaun maka responsabilidade ba servisu ICT, Governu Eletróniku no Dijitalizasaun bazeia ba progarma IX Governu Konstitusional, iha númeru 2.8 no 6.7, ne’ebé atribui ba MTK no TIC TIMOR hala’o servisu bazeia ba artigu 5 dekretu lei númeru 29/2017 hodi implementa no dezenvolve Teknolojia Informasaun & Komunikasaun no, Governu-Eletróniku, sentraliza sistema no dadus, ho forma efisiénte no efikáz.

Iha biban ida ne’e, Diretór Diresaun Dezenvolvimentu Sistema Informasaun no Aplikasaun (DDSIA) Sr. Justo Fernandes mós esplika kona-ba progresu servisu ne’ebé TIC TIMOR antiji ona partikularmente, kona-ba sistema dijitalizasaun ne’ebé dezenvolve ona, servisu infraestrutura inklui servisu Centru Dadus nomós projetu Business Continuity Center ne’ebé sei harii iha futuru.

Iha okaziaun ida ne’e, parte Embaixada Brunei Darussalam agradese ba TIC TIMOR, ne’ebé esplika ona papél, responsabilidade nomós atinjimentu ne’ebé iha no ekipa sei kontinua koordena hodi servisu hamutuk iha futuru.

Entretantu sorumutu ne’e, mós partisipa husi Xefe Gabinete Diretór Ezekutivu Sra. Merli Sofia Guterres Alves nomós ekipa husi Emabixada Brunei Darussalam. (MÉDIA TIC