Singapura, 28 Maiu 2024 - Diretór Ezekutivu Ajénsia TIC TIMOR I.P. Sr. Venâncio Pinto S. KOM, akompaña husi Vise Diretór Ezekutivu TIC TIMOR I.P. Sr. Eligio Moniz do Rego, desloka ba Singapura hodi hala’o enkontru programa dijitál Forum Of Small State ( FOSS ).

Iha enkontru ne’e superior Ajénsia TIC TIMOR hodi aprezenta pozisaun Timor-Leste nian ba programa digitál Foss. Forum Of Small State (FOSS), no abertura seremonia sei hato’o introdusaun konaba dijitál FOSS estabelese iha 1992, sai ona nu’udar plataforma informál ida iha naçoes unidos ba nasaun ki’ik sira hodi halo diskusaun ba preokupasaun mutuá sira. oportunidade hasa’e énfase ba isu dijitál sira iha plataforma bilaterál no multilaterál, dijitál molok ne’e introdúz ona hanesan pilar foun ba lasu amizade iha foss iha Outubru 2022.

Dijitál-Foss, hanesan komunidade no movimentu ida, fasilita hodi troka hanoin entre lideransa polítika dijitál husi nasaun ki’ik sira kona-ba dezafiu dijitál urjente, no atu suporta malu iha ita-nia jornada transformasaun dijitál.

Infocomm Media Development Authority (IMDA) maka organiza edisaun daruak ba programa dijitál FOSS Fellowship iha singapura, programa Fellowship ne’e sei hala’o dala ida de’it ho IMDA ninia eventu prioridade Tech asia x Singapura (ATXSG) 2024, ne’ebé sei inklui mós programa elementu espesifiku Dijitál-Foss no Ajénsia TIC TIMOR I.P. ba vizita no halo diskusaun iha Google Asia Pacific no vizita ba Govtech & Smart Nation iha Cityscape.

Entretantu aktividadu ne’e, sei hala’o durante loron ha’at , hahu husi loron 27 to’o 31 Maiu 2024.

( média tic)