AJÉNSIA TIC TIMOR I.P. ASINA MoU NO SLA HO IGT

Likisa, 29 Abril 2024— Ajénsia Teknolojia Informasaun no Komunikasaun sigla portugués, (TIC TIMOR I.P.), asina memorandum of understanding (MoU) ho Service Level Agreement (SLA) ne’e, ho Inspeção Geral do Trabalho sigla tetun (IGT).       

IGT hanesan instituisaun estadu hakarak fó apoiu masímu ba Governu hodi implementa dijitalizaun iha rai laran tanba ne’e sira hakarak kria kooperasaun ho Ajénsia TIC TIMOR nune’e bele fasilita sira nia servisu iha nivél informatika nian.

Iha serimonia ne’e halo mós lansamentu Portál Ofisiál IGT ne’ebé dezenvolve husi tekníku TIC TIMOR nian hodi halo publikasaun ba atividade ofisiál IGT. 

Bainhira hala’o sorumutu asina akordu ne’e Diretór Ezekutivu Ajénsia TIC TIMOR I.P., Sr. Venâncio Pinto S. Kom. hatete, TIC TIMOR I.P. no Inspeção Geral do Trabalho marka pasu foun ida atu esforsu atu alkansa programa IX Governu Konstituisionál nian kona-ba programa Governu Eletróniku no E-Government.

Diretór haktuir tan, TIC TIMOR I.P. nia papel importante maka jere infraestrutura Governu Eletróniku hodi asegura liña koneksaun ba liña Ministeriu, Ajénsia Autonomu, Instituisaun Governu no Empreza Publiku sira hodi hetan servisu konetividade, hospendagen, kolokasaun servidor, dominiu, Korreiu Eletroniku ka E-Mail Ofisiál inklui Website, ne’ebé maka konetadu mai iha Data Center TIC TIMOR I.P.  

Superior ne’e dehan servisu ida ne’e lao tanba kolaborasaun diak entre TIC no DNIC, dezenvolve plataforma eletrónika hodi atinji Governu Eletróniku, hala’o estudu hodi dezenvolve sistema Teknolojia Informasaun no Komunikasaun ba Governu, Ajensia Autonomu no Setór Privadu,  estabelese no dezenvolve padraun teknolojia informátiku hanesan  hardware, software, no mós asegura interoperabilidade, interligasaun, sentralizasaun kustu no seguransa no fornese asesoria iha  área TIK ba Instituisaun Estadu sira hotu.

Servisu hamutuk ida ne’e IGT mós sei kontribui ba esforsu TIC TIMOR nian fornesimentu sira hodi hamenus gastus nesesariu sira iha área informatika sentraliza no asegura dokumentu no informasaun iha sentru dadus Governu nian, fasilita asesu ba padraun teknolojia no aplikasaun ne’ebé modernu seguru atualizadu, dezenvolvidu no asegura husi timoroan rasik. TIC TIMOR sei kontinua simu pedidu no resposta husi IGT kona- ba manutensaun formasaun ne’ebé mensiona ona iha akordu.

Ikusliu superior ne’e mós lori Ajénsia TIC TIMOR nia hato’o agradese ba IGT depozitu ona konfiansa mai iha TIC hanesan tekníku timoroan ne’ebé iha ona koñesimentu diak tebes hodi fornese solusaun informatika ho kustu zero. 

Iha fatin hanesan, Inspetór Jerál Inspesaun Traballu, Sr. Frederico Pereira de Matos, hatete,  ho knar servisu IGT nian sira hakarak hatutan ba públiku liuhusi portal ofisiál ne’ebé hanesan meius ida atu hametin  planu dezenvolvimentu IX Governu Konstituisionál nian kona-ba E Government, Governu ho baze eletroniku hodi estabelese kapasitasaun instituisional ba dijitalizasaun no teknolojia iha jestaun servisu no atendimentu instituisaun ida-idak.

Inspetór Jerál ne’esaliente tan, utilizasaun portal ofisiál ne’e bele kontribui ona ba kualidade servisu nian iha instituisaun estadu sira. 

“ho lansamentu portal ofisiál ne’e hahu kontinua dezenvolve aplikasaun sira seluk hodi hametin kapasitasaun no kualidade servisu instituisaun nian. Apoíu portal ida ne’e la iha kustu husi Ajénsia TIC TIMOR I.P. dezejo TIC nafatin apoíu ho akompañamentu tekníku no kapasitasaun rekursu umanu hodi garante kontinuidade”.

Entretantu, pontu importante husi asina nota entendimentu ne’e mak hanesan, primeiru parte, fornese portal Web no aplikasaun sira seluk, segundu parte fornese TIC kordena ho DNIC hodi fornese rede internet inklui ba instituisaun sira hotu, terseiru, fornese sistema aplikasaun esensial atu apoíu dezenvolvimentu infraestrutura TIK  sira seluk ne’ebé. 

Iha serimonia ne’e  partisipa mós husi kargu xefia sira husi Ajénsia TIC TIMOR I.P., IGT inklui funsionariu sira husi IGT nian. 

(Média TIC)