DIRETÓR EZEKUTIVU AJÉNSIA TIC TIMOR I.P. HATO’O FELIZ NATAL 2023 NO KSOLOK TINAN FOUN 2024

Funsionáriu iha administrasaun indireta Estadu nian, ne’ebé hala’o knaar bazeia ba kontratu termu sertu, parseiru dezenvolvimentu, membru governu sira hotu, povu doben Timor laran tomak no sira-ne’ebé iha rai-li’ur.  

Bainhira besik atu ramata tinan ida-ne’e, ha'u hato'o ha'u-nia feliz natal 2023 no ano novo 2024,  ha'u-nia hakoak boot ba Ita-boot no família sira hotu. Iha loron feriadu natalísiu no tinan foun nian ne’ebé sei mai, ita bele sente kontente, hanoin kle'an no hanoin-hetan katak ita sei iha futuru.

Iha tempu selebrasaun nian ne'e, ha'u hakarak hato'o ha'u-nia agradesimentu maka'as ba Ita-boot sira hotu nia apoiu no dedikasaun ne'ebé boot iha prosekusaun misaun Ajénsia TIC TIMOR I.P. nian. Ita-boot sira-nia kompromisu hodi tane aas prestasaun de exélensia no inovasaun hala'o ona papél importante ida iha Ajénsia hodi halo Ajénsia ne’e hetan susesu koletivu durante tinan tomak.

Bainhira ita hanoin kona-ba dezafiu sira iha tinan ne’e, klaru katak ita-nia susesu sai nu'udar testemuña ida ba reziliénsia no hetan kolaborasaun di’ak hosi ita-nia ekipa talentozu sira. Hamutuk, ita dezenvolve ona misaun atu uza Teknolojia, Informasaun no Komunikasaun di'ak liután iha ita-nia nasaun.

Ha'u haree ba oin, ha'u sai nakonu ho optimizmu ba oportunidade sira-ne'ebé tinan oin sei lori mai. Ho ita-boot sira-nia dedikasaun no espíritu inovasaun ne'ebé define ona iha maneira serbisu ita-boot sira-nian iha Ajénsia, ha'u fiar katak ita sei hetan hanoin foun sira, ne’ebé bele fó-impaktu  pozitivu hodi halo mudansa dijitál sira.  

Ha'u hein katak festa Natál tinan-2023 no Tinan foun 2024 ne'e sei lori ksolok, dame no nu’udar festa família hodi fó-tempu barak liu ho família, kolega no ema sira-ne’ebé ita hadomi. Selebrasaun loron Natál no Tinan foun 2024 ne’e ba ita atu hanoin-hetan mós katak importante tebes atu fó-agradesimentu, laran-di'ak no espíritu serbí nian.

Obrigadu ba Ita-boot sira hotu nia serbisu maka'as, kriatividade no pasiénsia durante tinan ida-ne’e tomak. Ha’u dezeja NATÁL PAZ nian ba ita hotu no ita-boot sira-nia família iha tempu loron boot ne’e ne'ebé nakonu ho kontentamentu no iha tinan foun 2024 ne'ebé di'ak liután.

Remata

Sr. Venancio Pinto, S.Kom.

Diretór Ezekutivu Ajénsia TIC TIMOR I.P.