ADMINISTRADÓR MUNISÍPIU MANATUTO APRESIA HO EZISTENSIA AJÉNSIA TIC TIMOR I.P

Administradór Munisípiu Manatuto Fernando de Sousa Junior fó apoiu ba Ajénsia Tecnologia da Informação e Comunicação (TIC) TIMOR I.P tanba liu husi Ajénsia TIC Autoridade Munisípiu sira  bele asesu liña internet ho diak.
 
Durante ekipa tékniku TIC TIMOR I.P nian dezloka iha kada 12 munisípiu funsionáriu autoridade sira la hetan difikuldade hodi asesu internet.    
 
“Munisípiu Manatuto bainhira hetan apoiu husi  TIC TIMOR I.P la hetan dezafiu kona-ba koneksaun internet ne’ebé todan hanesan uluk tanba agora daudaun Ajénsia monta ninia ema hodi apoiu ami, ami sente diak ona atu rezolve problema hirak ne’ebé ami hasoru durante ne’e”, dehan Administradór ne’e.
Administradór ne’e mós aumenta tan katak, kompara iha tempu liu ba bainhira Ajénsia TIC TIMOR I.P seidauk eziste sira hetan difikuldade hodi asesu ba Free Balance.
“Iha tempu liu ba ami atu asesu ba free balance difisil uitoan tanba liña todan loos maibé agora daudaun lais liu atu asesu no hein katak ba oin sei diak liu tan”
.
Prezidente Autoridade Munisípiu ne’e mós sente kontente bainhira hetan apoiu husi tékniku Ajénsia TIC nian ne’ebé destaka ona iha munisípiu Manatutu hodi bele ajuda rezolve problema koneksaun ne’ebé funsionáriu sira hetan. 
“Ajénsia TIC TIMOR I.P bele ona fasilita ami no ami nafatin fó suporta hodi nune’e ba oin diak liu tan, tanba bainhira liña internet ne’ebé ami asesu la’o ho diak, karik ami atu komunika ho Ministru ruma la presiza ba to’o iha fatin ma
ibé bele liu husi Video Call. Ho nune’e Ezisténsia TIC nian ne’e importante tebes ba ita hotu atu fó apoiu tanba bele fasilita ami hodi hala’o ami nia servisu ”tenik nia. #Media #TIC