BNCTL HUSU TIC TIMOR I.P ATU FÓ APOIU SERVISU IHA ÁREA INFORMÁTIKA

Dili, 15 Marsu 2023, Diretór Ezekutivu Ajénsia Teknolojia Informasaun no Komunikasaun sigla portugues (TIC) TIMOR I.P, Sr. Roberto Caitano de Sousa Vicente akonpaña hosi Diretór Diresaun Servisu Infaestrutura (DSI) Sr. André Felix Marques nomós ekipa tékniku, hala’o enkontru prelemináriu ho Prezidente Konsellu Administrasaun Banku Nasionál Komérsiu Timor-Leste sigla portugues (BNCTL) Sr. António Francicsco Vítor ho nia ekipa iha edifísiu BNCTL Mandarin.

Iha sorumutu ne’e, Prezidente Konsellu Administrasaun BNTCL r. António Francisco Vítor TIC TIMOR I.P. atu fó apoiu servisu iha área informátika nian liu-liu koñeksaun ba rede Fibra Ótika Terrestre (FOT) inklui servisu informátika sira seluk hodi fasilita servisu BNCTL hodi fó atendementu ba públiku.

“Durante ne’e, BNCTL iha problema ho liña internet entaun difikuldade boot ba atendementu públiku tanba agora dadauk BNCTL hakarak trazasaun dijitalizadu hotu. Agora dadauk sei uza ATM, internet Banking ba tranzasaun nasionál maibé fazeadamente komesa hakat ba ida ne’ebé dijitazadu liu ne’ebé barak liu,” informa Prezidente Konsellu Administrasaun BNCTL.

 Prezidente hatete, hakarak ka lakohi tenke sai Banku ne’ebé  relevante liu ba dijitalizasaun no ninia dependénsia prinsipál ba liu internet nomós servisu informátika sira seluk ne’ebé relevante. Iha posibilidade TIC TIMOR I.P. bele halo kooperasaun ida ne’ebé ho ninia vantajen boot ba BNCTL liga ho asuntu rede ne’ebé viavel, seguru.

Iha fatin hanesan, Diretór Ezekutivu TIC TIMOR I.P, Sr. Roberto Caitano de Sousa Vicente hatete, hafoin enkontru ne’e TIC TIMOR sei identifika problema ne’ebé BNCTL hasoru hodi bele fó apoiu. To’o agora TIC TIMOR halo ona kooperasaun servisu ho insituisaun estadu hamutuk 98 no asina ona Asina MoU no SLA ho instituisaun hamutuk 53 ne’ebé uza ona sentru dadus TIC TIMOR nian, fornese konetividade no seluk tan.

Governu mós iha ona infraetrutura Kabu Fibra Ótika Terrestre ne’ebé kompleta ona iha tinan 2019 ne’ebé halo koneksaun direta hosi sentru dadus TIC TIMOR nian ba munisípiu 13 termina iha edifísiu autoridade munisípiu 12  no Oé-Cusse ho  Atauru iha sei iha prosesu.

“Ida ne’e fó oportunidade mós ba BNCTL atu bele uza konetividade liu hosi liña Fibra Ótika Terrestre tanba TIC TIMOR alende projetu ida ne’e TIC TIMOR mós kompleta ona pontu distribuisaun iha fatin lima hanesan, Polísia Akademia, MNEK, MTKI, edifísiu Munisípiu Dili nomós iha TIC TIMOR,”eplika Xefe Ezekutivu.

Diretór Ezekutivu esklarese liu tan katak, liu hosi konetividade ida ne’e, bele redus kustu liu hosi servisu ne’ebé TIC TIMOR fornese.  Hahú hosi tinan 2018 to’o 2022 TIC TIMOR kontribui ona poupansa ba estadu kuaze $75 miloens tanba ne’e TIC TIMOR hakarak kontinua halo mekanizmu sira hanesan ne’e.

Entretantu iha sorumutu ne’e Xefe Ezekutivu mós esplika kona-ba progresu servisu seluk ne’ebé TIC TIMOR atinje ona durante ne’e. #MÉDIA#TIC