DIRETÓR EZEKUTIVU TIC TIMOR HALA’O ENKONTRU KOORDENASAUN HO DOSENTE INFORMÁTIKA UNTL

Diretór Ezekutivu Ajénsia Tecnologia da Informação e Comunicação (TIC) TIMOR I.P, Roberto Caitano de Sousa Vicente ho nia ekipa hala’o enkontru koordenasaun ho Dosente sira husi Departamentu Informátika Universidade Nasional Timor Lorosa’e (UNTL), hodi koordena kona-ba kooperasaun servisu iha área peskiza nian.

Sorumutu ne’e, atu follow up fali rezultadu enkontru iha fulan hira liu ba kona-ba planu ne’ebé atu aprezenta mai iha TIC TIMOR, nune’e bele hala’o ona servisu ba iha peskiza nian, iha área informátika tanba hakarak involve UNTL liu-liu ba planu ne’ebé Ajénsia sei halo iha tinan oin.

Tanba papél TIC TIMOR ida maka, atu halo estudu hodi haree progresu implementasaun TIC TIMOR nian iha Timor-Leste.

Ho nune’e, Vice Xefe Departamentu Informátika José Pinto hatete, durante ne’e sira servisu hamutukJapan International Cooperation Agency (JICA) no konsege publika ona rezultadu peskiza.

 Iha área espesífiku, Departamentu Informátika koloka ba iha área data mine, big data, time sirs, signal no networking.  Sira mós koloka ona dosente iha área peskiza.

Entretantu nia dehan, planu ba oin komesa koloka estudante finalista ba kada área espesialidade no dosente sira orienta kedas no hafoin ida ne’e halo publikasaun ba peskiza ne’ebé halo. # Média TIC#