DIRETÓR EZEKUTIVU TIC TIMOR HALA’O ENKONTRU PRELEMINÁRIU HO SETP

Diretór Ezekutivu Ajénsia Tecnologia da Informação e Comunicação (TIC) TIMOR I.P, Roberto Caitano de Sousa Vicente ho ekipa, hala’o enkontru ho Secretário Estado Terras e Propriedades (SETP) Mário Ximenes ho nia ekipa, hodi ko’alia kona-ba oinsá TIC TIMOR apoiu SETP iha área informátika.

Iha enkontru ne’e, halo mós aprezentasaun kona-ba servisu ne’ebé TIC TIMOR halo ho liña Ministeriál sira iha âmbitu Governu Eletróniku nomós rezultadu servisu ne’ebé maka Ajénsia ne’e atinje ona no karik ba oin sei fó apoiu mós ba SETP.

Ho nune’e SETP, Mário Ximenes, konsidera tebes partisipasaun TIC TIMOR nian tanba ida ne’e importante ba SETP atu hatene no karik iha relasaun ho servisu SETP nian, bele hetan apoiu tanba VIII Governu mai ho âmbitu Governu Eletróniku ho nune’e, SETP apresia tebes ho servisu TIC TIMOR nian.

SETP presiza tebes TIC TIMOR nia apoiu no sei ko’alia fila-fali hodi haree no tau iha planu 2021 nune’e TIC TIMOR bele fó apoiu hodi redús kustu sira ne’ebé iha relasaun ho liña internet.   

Enkontru ne’e hala’o iha Edifísiu SETP Bebora Dili. #MÉDIA TIC#