EKIPA DIVIZAUN ADMINISTRASAUN NO FINANSAS PREPARA ONA PROPOSTA OJE 2020

Ajénsia Tecnologia da Informação e Comunicação (TIC) TIMOR I.P, liu husi Divizaun Administrasaun no Finansas prepara ona proposta Orsamentu Jerál Estadu (OJE) tinan 2020 nian no sei submete ba Ministériu Finansas (MF) tuir kalendáriu ne’ebé fó husi MF.

Tuir Diretora Administrasaun no Finansas, Maria da Frosa Marques katak, iha semana kotuk simu ona kalendáriu preparasaun OJE 2020 nian no atu ba klarifika fila fali orsamentu 2020 nian tanba durante ne’e aplika hela orsamentu duodésimu hahú husi Janeiru to’o Maiu.

Nia hatete, sira hala’o ona enkontru hodi foti medidas ba atividade prioridade iha Quarter ikus nian no ekipa ezekutiva mós halo ona enkontru final kona-ba preparasaun OJE 2020 no sei lori ba Ministériu Finansas iha loron 3 fulan juñu.

Entretantu, orsamentu ba tinan 2020 sei hahú husi fulan Setembru, tanba ne’e sei foka liu ba atividade finansiál ho lojístika de’it hodi suporta operasionál loroloron nian. #Média TIC#