EKIPA SERVISU TÉKNIKU INFORMASAUN PALÁSIU PREZIDENSIÁL HUSU TIC TIMOR ATU FÓ APOIU TÉKNIKU HODI DEZENVOLVE SISTEMA

Ekipa Sesrvisu tékniku Informsaun (STI)  Palásiu Prezidensiál (PR), hala’o enkontru ho Diretór Infraestrutura Ajénsia Tecnologia da Informação e Comunicação (TIC) TIMOR I.P, Andre Felix Marques hodi ko’alia kona-ba, oinsá TIC TIMOR I.P bele fó apoiu tékniku hodi dezenvolve sira nia  sistema.

Iha enkontru ne’e, Francisco Noronha nu’udar, Servisu Tékniku Informasaun iha Palásiu Prezidensiál hatete, sira hasoru malu ho TIC TIMOR I.P, hodi ko’alia relasiona ho servisu tékniku nian no intensaun atu hatene ituan servisu Ajénsia ne’e nian.

 Tanba sira nia sistema ne’ebé agora dadauk iha ne’e, tuan ona no iha difikuldade bainhira atu halo manutensaun.

Ho nune’e, sira iha intensaun atu ko’alia ho TIC TIMOR oinsá bele apoiu sira téknikamente, nune’e bele dezenvolve sira nia sistema ho di’ak no sira mós iha hanoin ida oinsá, Ajénsia bele ajuda sira iha área tékniku nian iha futuru, tanba problema ne’ebé sira hasoru maka hanesan hosting.

Iha fatin hanesan, Diretór Infraestrutura   informa, kona-ba hosting nian Divizaun aplikasaun maka haree no nia parte sei informa ba parte aplikasaun nune’e bele ko’alia kle’an liu kona-ba hosting.

Iha biban ne’e, mós Xefe infraestrutura, halo aprezentasaun kona-ba ezisténsia Ajénsia TIC TIMOR I.P nian, ne’ebé hahú iha tinan 2017 bazeia ba dekretu lei 29/ 2017 ne’ebé relata diretamente ba Gabinete Primeiru Ministru.

Iha sorumutu ne’e, nia mós aprezenta kona-ba servisu ne’ebé servisu ne’ebé Ajénsia hala’o ona no progresu servisu ne’ebé la’o hela.

Hafoin hasoru malu, ekipa tékniku TIC TIMOR I.P, tun direta hodi halo kedas assessment ba rack server iha Palásiu Prezidensiál. #Média TIC#