EKIPA TÉKNIKU SEPFOPE APREZENTA PROGRESU SISTEMA APLIKASAUN BA AJÉNSIA TIC TIMOR I.

Sekretaria Estadu Polítika Formasaun Professional no Empregu (SEPFOPE) liu husi Diretór Nasional Informasaun Merkadu Traballu (DNIMT) Jenifer Antonio da Cruz, hamutuk ho nia ekipa Tékniku, hasoru malu ho Diretór Aplikasaun Ajénsia Tecnologia da Informação e Comunicação (TIC) TIMOR I.P Justo Fernandes no ekipa Infraestrutura Ajénsia nian, hodi aprezenta kona-ba progresu sistema aplikasaun ne’ebé durante ne’e SEPFOPE utiliza. 

Iha sorumutu ne’e mós ko’alia kona-ba saida maka sira hanoin atu dezenvolve iha futuru oin mai no oinsá mekanizmu kolaborasaun ba sistema Information Management System  (IMS) SEPFOPE nian.

Diretór nasionál esplika, SEPFOPE iha baze de dadus ne’ebé maka utiliza ba servisu loroloron nian atu halo atendementu ba empregu sira iha rai laran, iha Australia, Iha Corea do Sul no ema sira ne’ebé buka formasaun professional. Ida ne’e maka sistema baze de dadus ne’ebé hanaran simul web atualmente kompañia ARFAC maka hosting.

Nia dehan, Buat ne’ebé maka eziste iha tinan 2012 lansa tiha website ida maibé agora la ativa ona  tanba  uza sepfope.com, tanba ne’e ba futuru koko atu halo Integrate Information Management System (IIMS) atu nune’e LMIS simul web labele utiliza data web training centre sira iha laran .

Informasaun sira ne’e, presiza mós atu halo adekuadu. Alende ne’e, ba futuru karik iha simul web nia laran koko atu integra kona-ba, servisu over sis nian, atu nune’e públiku fasil asesu ba informasaun sira.

Tanba  ne’e, presiza atu reforsa GRP no hanoin katak, tenke reforsa iha parte aprovizionamentu nian, hanesan   procurement portal , tenke iha hanoin didi’ak oinsá bele reforsa, maibé iha mós kona-ba aset traking nian ne’e parte ida.

Nia husu, iha futuru  kareta sira SEPFOPE hakarak tau GPS nune’e bele hatene kombustivel  semana ida kada kareta, nune’e bele kontrola nia kustu efisiénsia tanba ida ne’e parte integradu hodi bele hatene jestaun finanseiru.

Nia firma katak, atu reforsa kona-ba human resourse IMS nian, tanba hakarak funsionáriu hotu-hotu bele asesu hanesan vaga servisu ruma, tanba ne’e, tenke iha web page hodi sai hanesan parte ida husi IMS nian no tenke integra hotu iha laran.

Tanba ne’e, karik iha posibilidade bele halo kolaborasaun hafoin infraestrutura kompletu. Agora koko halo ida ne’ebé maka eziste no bele halo fazeadamente karik bele hahú ho Diretór, sira nune’e haree nia nesesidade ba iha ne’ebá la’o oinsá.

Iha biban ne’e Diretór Aplikasaun hateten, jeralmente kona-ba sistema, TIC TIMOR I.P nu’udar Ajénsia governu nian ne’ebé atu atende nesesidade governu nian, no iha hosting system ne’ebé nakloke ba Ministériu hotu-hotu no iha ne’ebá, fahe ba parte rua hanesan web application ne’e rasik no iha web content, ne’ebé hosting hotu iha ne’e. Ba dezenvolvimentu nian laiha kustu, hosting no manutensaun mós iha ne’e, hein utiliza de’it.

Alende ne’e Diretór Infraestrutura Ajénsia TUC TIMOR I.P André Felix Marques informa, kona-ba GRP hein de’it husi proposta ne’ebé fó tiha ona no ba aprovizionamentu no finansas nian laiha problema, tanba asesu lokál ona no garante katak, sei lalais. Kona-ba aset management integra ho human sours system maibé la uza GPS.

Entretantu kona-ba email ofisial bainhira projetu data center expansion konklui bele akomoda mós email ofisial ba SEPFOPE. #Média TIC#