EKIPA TIC TIMOR HALA'O ENKONTRU PRELEMINÁRIU HO VISE MCI HODI DISKUTE KONA-BA APOIU IHA ÁREA TEKNOLOJIA

Diretór Ezekutivu Ajénsia Tecnologia da Informação e Comunicação (TIC) TIMOR I.P, Roberto Caitano de Sousa Vicente ho nia ekipa, hala’o enkontru prelemináriu ho Vise Ministro Comerçio e Industria (MCI) Domingos Lopes Antunes ho nia ekipa, hodi diskute kona-ba apoiu iha área teknolojia nune’e iha futuru bele hala’o kooperasaun servisu entre instituisaun rua ne’e.

Iha enkontru ne’e Xefe Ezekutivu esplika kona-ba, papél TIC TIMOR nian ne’ebé implementa polítika liga ba ICT hodi prepara teknolojia ne’ebé ótimu inklui aplikasaun, infraestrutura nomós rede Fibra Ótika Terrestre (FOT) bazeia ba prioridade nasionál.Ajénsia ida ne’e, eziste bazeia ba dekretu lei númeru 29/ 2017 ne’ebé, haree ba inisiativa Governu Eletróniku. 

 Kompeténsia TIC TIMOR nian, atu sentraliza dadus Governu nian no dezenvolve mós plataforma eletróniku, halo estudu hodi dezenvolve no implementa sistema Governu nian nomós Ajénsia Autónomu sira. Haree ba tarefa servisu, iha posibilidade atu halo ligasaun iha munisípiu sira bainhira presiza.

 TIC TIMOR, iha prinsípiu timorizasaun, ho nune’e 97% husi funsionáriu timor oan hotu liu-liu iha parte sira hanesan, aplikasaun, infraestrutura maioria iha ona 43% balansu jéneru iha área, programasaun no iha parte tékniku.

Karik MCI hakarak atu dezenvolve kualkér aplikasaun, infraestrutura no konetividade ne’ebé iha ligasaun ba ICT, Ajénsia bele fornese.

 TIC TIMOR mós haree ba internet no intranet, fó mós asesoria ba governasaun tomak. Infraestrutura kompleta ona Fibra Ótika Terrestre (FOT) no koneta ona ba   munisípiu 12. Liu husi FOT ne’e mós, fornese ona ligasaun ba liña ministerial sira kona-ba konetividade internet. Ajénsia mós halo ezbosu lei kona-ba ICT.

Ajénsia ne’e mós kompleta ona, sentru dadus nasionál ba Governu Eletróniku, hosting website, fornese servisu sira hanesan Email, domain name no hosting. TIC TIMOR mós halo ona web hosting, agora dadauk ajuda liña ministerial sira no Ajénsia Governu sira hodi dezenvolve website sira tuir nesesidade ministériu sira nian nomós, aplikasaun balun ne’ebé hakarak dezenvolve, parte aplikasaun prontu atu kolabora. Parte aplikasaun mós, fó suporta ba liña ministerial sira bainhira, iha difikuldade kona-ba treinamentu ruma, inklui utilizasaun sistema, TIC TIMOR prontu atu fornese.  

Ho nune’e Vise Ministru MCI hatete, sira nia parte dedika aan ba servisu maibé sistema no infraestrutura la ajuda tanba ne’e, halo pedidu prelemináriu atu apoiu MCI iha área teknolojia nian.

Ekipa MCI mós apresia, tanba liu husi esplikasaun ne’ebé parte TIC TIMOR I.P halo, bele rezolve problema balun ne’ebé hasoru iha ministériu kona-ba área teknolojia nian. #Média TIC#