FORMANDU HOSI KOMPAÑIA MINARAI TIMOR-LESTE KONKLUI ONA SIRA NIA FORMASAUN HOSI AJÉNSIA TIC TIMOR I.P

Díli /31/ Maiu/ 2023 Funsionáriu hosi Kompañia Minarai Timor-Leste, sigla português (CMTL) finaliza ona sira ninia formasaun hosi Tekníku TIC TIMOR I.P nian tamba ne’e TIC mós hato’o ninia apresiasaun liu hosi atribui sertifikadu.

Iha Serimonia atribui Sertifikadu ne’e, Prezidente Kompañia Minarai Timor-Leste sigla português (CMTL )Sr. Eliud de Jesus Gomes hato’o ninia gratidaun ba Ajénsia TIC TIMOR tamba durante loron ne’en oferese ona formasaun kona-ba Sistema Website nomos Cloud ba funsionáriu CMTL nian hodi hala’o servisu ho diak liu tan.

“Lori ekipa CMTL tomak hato’o agradese wain ba formasaun ne’ebé fornese hosi Ajénsia TIC TIMOR durante loron ne’en ho modu ne’ebé importante hodi tulun CMTL iha sistema Informasaun no Komunikasaun nian ne’ebé tau iha konsiderasaun abanbainrua kleur ka lalais CMTL sei halo ninia servisu ho projetu ne’ebé mak ligadu ho sistema informasaun ne’ebé barak liu iha área remotas sira ne’ebé hasoru difikuldade ba konesaun hodi difikulta ba komunikasaun sira ne’e.”dehan Prezidente ne’e iha edifisiu CMTL hudi laran.

Sertifikadu apresiasaun ne’ebé Ajénsia TIC fó ba funsionáriu CMTL ne’e atu motiva sira no sai hanesan referensia ida atu utiliza sasan ho responsalidade moral ba iha funsionáriu CMTL bainhira utiliza sistema ho propriu no adekuade, dehan CEO CMTL.

Superior CMTL ne’e realsa tan katak, formasaun ne’ebé tekníku Ajénsia TIC fó ninia vantajen boot tebes ba funsionáriu CMTL nian tamba bele hala’o servisu ho kualidade diak.

“Formasaun sira ne’e tulun CMTL ninia ekipa hodi ezerse ninia funsaun ho efetivu no efikasia, ita hotu hatene katak ita hotu agora adere hotu ba treng ida dehan Paperless, ita labele nega katak ita kontinua dezenvolve no melhora ita nia koñesimentu, abilidades nomos infraestrutura oinsa bele garante duni ita nia efetividade no efikasia servisu nian, informa Prezidente ne’e.

Ajénsia TIC TIMOR kontinua fó apoiu ba CMTL hodi halo manutensaun no akompañiamentu ba sistema hirak ne’ebé tekníku sira dezenvolve liu hosi  kooperasaun entre Instituisaun rua ne’e.

Iha fatin hanesan, Diretór Diresaun Dezenvolvimentu Sistema Informasaun no Aplikasaun (DDSIA), Sr. Justo Fernandes mós haktuir katak, formasaun ne’ebé funsionáriu CMTL tuir nia sente la sufisiente tamba ne’e ba oin tekníku TIC nian sei kontinua atende nesisidade no difikuldade sira ne’ebé CMTL hasoru.

Diretór DDSSIA ne’e haktuir, utilizasaun sistema ne’e ne’ebé TIC dezenvolve hanesan politika ida hodi redus suratahan ne’ebé inisiativa hodi Governu Eletroníka ne’ebé implementa iha Timor-Leste no Timoroan rasik mak haree ba rekursu sira ne’e, ninia sustentabilida garantidu no oinsa atu asegura ita nia informasaun hirak ne’e mak tenke utiliza Portal hodi asegura ita nia dadus sira ne’e iha Centru Dadus Governu nian.

Entretantu, Instituisaun barak ona mak uza sistema sira ne’ebé Dezenvolve hosi Ajénsia TIC TIMOR  no sira ninia dadus hirak ne’e hotu konsetra iha sentru dadus TIC TIMOR nian garantidu no seguru. #Média #TIC.