PREZENSA TIC TIMOR I.P ASEGURA ONA DADUS SERVE I.P NIAN

Diretór Ezekutivu, Serviço de Registo Empresarial (SERVE) I.P, Florêncio Chances, hato’o parabéns ba Ajénsia Tecnologia da Informação e Comunicação (TIC) TIMOR I.P, ne’ebé selebra aniversáriu ba dala-tolu tanba hafoin ezisténsia TIC TIMOR, bele asegura ona dadus SERVE I.P nian  hanesan  Email ofisiál Ne’ebé hosting iha TIC TIMOR.

Nia agradese  tanba, SERVE iha ona Email ne’ebé fornese husi TIC TIMOR no karik bele SERVE sei entrega nia website ba iha TIC TIMOR atu Jere tanba agora dadauk SERVE iha nia website  maibé hosting husi liur tanba ne’e , gasta boot maibé agora ho TIC TIMOR gratuita no seguru.

SERVE orgullu tebes tanba hetan domíniu foun husi TIC TIMOR tanba Email ne’ebé SERVE utiliza.

TIC TIMOR presiza halo nia kna’ar di’ak liu tan hodi asegura di’ak liu tan informasaun sira ne’ebé SERVE simu husi domíniu foun atu labele monu ba ema seluk nia responsabilidade tanba TIC TIMOR hanesan entidade estadu nian.

SERVE iha ona lei atu halo rejistu sira ba online tanba ne’e,  presiza tebes TIC TIMOR I.P atu apoiu nafatin SERVE hodi asegura programa Governu kona-ba prestasaun servisu ne’ebé di’ak ba Governasaun hotu-hotu. #MÉDIA TIC#