TIC TIMOR I.P. REALIZA MINI WORKSHOP HODI INTRODUS SISTEMA INFORMASAUN GOVERNU DIJITÁL BA FUNSIONÁRIU ADMINISTRASAUN MUNISÍPIU DILI

DILI, 05 Dezembru 2023-Ajénsia TIC TIMOR I.P., liu hosi Diresaun Dezenvolvimentu Sistema Informasaun no Aplikasaun (DDSIA) realiza mini workshop kona-ba Sistema Informasaun Governu Dijitál ba funsionáriu sira hosi administrasaun munisipál Dili.

 Objetivu prinsipál hosi mini workshop ne’e, maka atu partilla no promove Governu Eletróniku ne’ebé sai nu’udar fasilitadór atu hakbesik liu tan Governu Eletróniku ba povu ho meius Teknololoj Informasaun ne’ebé asesu liu ba iha website, aplikasaun no realiza efisiénsia, efetividade servisu iha setór Públiku nian no Munisípiu Dili nu’udar setór ida ne’ebé importante atu bele halo atendementu Públiku.

Iha abertura ba mini workshop ne’e, Diretór Ezekutivu TIC TIMOR I.P., Sr. Venâncio Pinto S.Kom hatete,   Iha  IX Governu Konstitusionál iha programa rua ne’ebé sai papél TIC TIMOR nian  maka hanesan,  Public Services no   Privite Services.

“Agora daudauk ita hetene katak liña Governu iha ona liña integradu hosi Nasionál to’o iha Munisípiu ba futuru iha Dili la presija ba to’o iha Baucau maibé entre imi bele asesu ba malu liu hosi Liña Integradu,” esplika Diretór Ezekutivu.

TIC TIMOR nu’udar Ajénsia Teknolojia ne’ebé responsavél ba programa IX Govern nian iha programa 2.8 kona-ba Teknolojia Informasaun no Komunikasaun nomós programa 6.7 kona-ba Governu Eletróniku.

Hein katak, iha 2024 TIC TIMOR tau importánsia ba Ministériu haat hanesan, Edukasaun, Saúde, Agrikultura no Ministériu Administrasaun Estatál. Agora daudauk liña koneksaun to’o ona iha Munisípiu hotu no hein atu implementa Governu Eletróniku.  Iha preparasaun ASEAN, Timor-leste nesesita tebes atu adopta Teknolojia iha área prinsipál sira hanesan, Administrasaun Públiku, Edukasaun, Saúde no Agrikultura.

Ho nune’e TIC TIMOR nu’udar ajénsia Telnolojia halo ona Mini Workshop ba Munisípiu hotu  inklui RAEOA no ikus liu maka iha Minisipiu Dili oinsá atu uza Teknolojia no oinsá atu adopta Teknolojia.

“Workshop ida ne’e sei iha dikusaun mós ne’ebé sai nu’udar sasukat atu hetene nivel koñesimentu ita bo’ot sira nian kona-ba Teknoloji molok tama ba iha tinan fiskal 2024 hodi halo estudu kona-ba koñesimentu jerál relasiona ho Teknolojia hodi sai nu’udar referensia ka matadalan atu halo formasaun iha area TIK iha tinan fiskal 2025,” Informa Xefe Ezekutivu.

 TIC TIMOR nu’udar Instituisaun Públika dijitaliza ona sistema informasaun ba iha Instituisaun Governu no orgaun estadu sira seluk hamutuk 71 no total sistema hamutuk 139 hosi total sistema sira ne’ebé dezenvolve rasik hosi TIC IMOR no balun  halo migrasaun hosi rai liur mai iha centru dadus Governu Eletróniku no  sei aplika kustu zero. TIC TIMOR mós agora dezenvolve hela aplikasaun hanesan, website maibé ho kustu ne’ebé zero no website rasik sira dezenvolve hamutuk 100 ona.

TICTIMOR mós dezenvolve ona Sistema Rekursu Umanu, Sistema Ofísiu nomós istema Cloud. Sistema tolu ne’ebé TIC TIMOR dezenvolve ona alende uza ona hosi Instituisaun Governu sira TIC TIMOR kontinua dezenvolve sistema prinsipál sira ne’ebé maka Governu bele utiliza .

Iha fatin hanesan, Adjunto Prezidente Autoridade Munisípiu Dili Sr. Octavio Viera do Amaral , agradese  ba TIC TIMOR I.P ba oportunidade ida ne’e, atu bele fahe informasaun kona-ba Governu Dijitál.

Nia husu ba sira atu aproveita oportunidade ida ne’e hodi bele aprende  hodi di’ak no  sujere ba TIC TIMOR karik bele mós fó formasaun mós ba  Diretór sira xefe departamentu, administrador posto,  sira liu-liu ba xefe suku sira ne’ebé  agora aprende hela Dijitalizasaun uza komputadór.

Entretantu workshop ne’e, partisipa mós hosi Sekretária Ezekutiva Sra. Cesaltina da Silva M. Araujo Andrade, Diretór Nasionál sira  nomós funsionáriu administrasaun munisípiu Dili.

(MÉDIA TIC)