DIRETÓR EZEKUTIVU TIC TIMOR I.P SIMU AUDIÉNSIA DELEGASAUN HUSI GfD

Diretór Ezekutivu Ajénsia Tecnologia da Informação e Comunicação (TIC) TIC TIMOR I.P, Roberto Caitano de Sousa Vicente, simu Audiénsia husi Consultant DRAFT Governance Support, Governance for Development (GfD), Fausto Belo Ximenes, hodi halo konsultasaun kona-ba kooperasaun servisu entre TIC TIMOR I.P ho DFAT GfD ba programa importante sira iha futuru.

Iha enkontru ne’e, Consultant DRAFT Governance husi GfD ne’e hatete, Ida ne’e hanesan oportunidade di’ak ida hodi konsulta atu bele rona hanoin husi TIC TIMOR tanba ida ne’e programa mai ho nota konseitu maibé kobre mós ICT alende investimentu mós nia impaktu kuaze ba hotu-hotu ne’ebé ida ne’e di’ak tebes no hein katak ho ezijénsia husi instituisaun sira seluk atu automatiza sira nia sistema bele reforsa tan notas no bele dezeña bazeia ba informasaun sira ne’ebé iha.

Alende ne’e, Xefe Ezekutivu agradese ba Department of Foreign Affairs and Trade  (DFAT)  nia konsiderasaun, atu hatama mós TIC TIMOR iha parte konsultasaun ba planu tinan 8 mai importante loos tanba dezenvolve planu bazeia ba nesesidade ne’ebé maka atu halo.  Durante ne’e kooperasaun ne’ebé di’ak loos entre TIC TIMOR ho DFAT liu husi programa sira , hanesan apoiu ne’ebé hetan husi GfD la’o di’ak, tebes no kontente ho kooperasaun ne’ebé maka durante ne’e iha.

Kooperasaun mútua ne’ebé estabelese entre TIC TIMOR ho GfD hetan duni saida maka parte rua hakarak no servisu la’o di’ak loos.

TIC TIMOR mós husu ba DFAT ho GfD atu fó apoiu pesoál na’in rua atu zere programa importante ne’ebé Governu fó hela mai Ajénsia atu halo maka hanesan, programa Unique ID Jestór ba sekretariadu Unique ID nian ida no espesialista analysis.

Entretantu, Ajénsia mós propoin ba DFAT atu apoiu iha área rekursu tanba ida ne’e hanesan, área ida ne’ebé maka dala barak susar atu hetan timoroan sira ne’ebé kualifikadu no investimentu ba pesoál sira iha área sira hanesan ne’e tenke kontinua sira nia kapasidade ba dezenvolvimentu ICT nian.  #MÉDIA TIC#