OPORTUNIDADE SERVISU

       I.         SUMARIU

Ajénsia TIC TIMOR nu’udar Institutu Públiku ho nia natureza jurídika ne’ebé maka autonomia administrativu, finanseira no patrimóniu rasik haktuir iha Dekretu Lei Nº.29/2017. Tutela ba Primeiru-Ministru, Ajénsia TIC TIMOR iha misaun hodi implementa polítika no estratéjia ne’ebé maka aprova ona iha matéria kona-ba Teknolojia, Informasaun no Komunikasaun, jere rede informátika Governu nian no Entidade Publika sira seluk, inklui halo jestaun ba infraestrutura Teknolojia Informasaun no Komunikasaun no fó apoiu iha área Teknolojia Informasaun no Komunikasaun no Sistema Informasaun nian.

      II.         POZISAUN

Ho objetivu atu fornese servisu ne’ebe mak diak liutan liu husi rekursus umanus sira ne’ebe ho kuñesementu diak no a’as, Ajensia TIC TIMOR I.P. loke oportunidade servisu ba pozisaun hirak hanesan tuir mai ne’e;

1. Senior Legal Advisor – National   –   ToR Aneksu

2. Senior Public Relation Officer   –   ToR Aneksu

3. Ofisial Multimedia   –   ToR Aneksu

4. Apoiu Administrativu – Motorista    –   ToR Aneksu

5. Tékniku Espesializadu ba Aprovizionamentu    –   ToR Aneksu

6. Tékniku Espesializadu ba Finansas    –   ToR Aneksu

7. Tékniku ba Apoiu Administrativu – Asistente Administrativu    –   ToR Aneksu

    III.         PROSEDIMENTU APLIKASAUN

a.     Aplikasaun tenke inklui (a) Karta Aplikasaun (b) CV ka Resumu detallu la liu pájina hitu (7) (c) Resposta ba Kriteria selesaun (d) Detallus kontaktu referensia profesional nain tolu (3).

b.     Dokumentus aplikasaun hirak ne’e tenke halo ba: Softcopy(formatu PDF), tau naran (rename) tuir pozisaun ne’ebe Itabo’ot sira aplika hanesan tuir mai ne’e: Aplikasaun_Titulu Pozisaun_Naran(Ezemplu: Aplikasaun ba Pozisaun Tekniku Espesializadu ba Aprovizionamentu: Aplikasaun_Aprovizionamentu_AntonioAraujo),no submete liu husi email: careers@tic.gov.tl ho data ikus 12 Fevereiro 2021, tuku 17:00 oras Timor-Leste.

c.     Karta aplikasaun dirize ba: Rekursus Umanus, TIC TIMOR I.P.

d.     Aplikante ne’ebe submete aplikasaun LA KOMPLETU ou LA TUIR rekerimentu mensiona iha leten konsidera hanesan: DISKUALIFIKADU

e.     Aplikante sira hotu tenke fo resposta klaru ba kriteria selesaun ne’ebé temi iha TOR ida-idak hodi deskreve oinsá aplikante prenxe duni kriteria. Esplika ho klaru oinsá ita boot hetan ona kompeténsia sira ne’e, bele fo mós ezemplu badak ruma, no seluk tan.

Sei kontaktu de’it bakandidatu ne’ebé liu iha selesaun dokumentu.

Kandidatu selesionadu sei presiza submete rejistu kriminál.

Obrigado

Juvenal Soares Do Carmo Lay

Rekursus Humanus