OPORTUNIDADE SERVISU

TIC TIMOR I.P. establese tuir Decreto Lei nu. 29/2017, ho ninia kompetensia sira atu implementa estrategia politika Teknolojia Informasaun no Komunikasaun, jere rede Informátika Governu no orgaun estadu nian, inklui jestaun Infraestrutura TIC nian no fornese suporta TIC.

TIC TIMOR I.P. SEI REKRUTA PROFESSIONAL SIRA HODI PRENXE POZISAUN HANESAN TUIR MAI NE’E:

1. Xefe Departementu Jestaun Rekursus Umanus
2. Apoiu Lojistika – Motorista
3. Apoiu Administrasaun no Lojistika

PROSEDIMENTU APLIKASAUN

Dokumentus aplikasaun ne’ebe Itabo’ot sira submete mai tenke halo hanesan tuir mai ne’e:

• Aplikasaun tenke inklui:

(a) Karta Aplikasaun;

(b) CV ka Resumu detallu la liu pájina lima (5);

(c) Detallus kontaktu referensia profesional nain tolu (3);

(d) RESPOSTA BA KRITERIA SELESAUN

Halo iha folha ketak ida resposta ba Kriteria Selesaun ne’ebe bele hare’e iha ToR pozisaun ne’ebe Itabo’ot aplika ba. Aplikante sira hotu tenke fo resposta klaru ba kriteria selesaun ne’ebé temi iha TOR ida-idak hodi deskreve oinsá aplikante prenxe duni kriteria. Esplika ho klaru oinsá ita boot hetan ona kompeténsia sira ne’e, bele fo mós ezemplu badak ruma, no seluk tan.

• Aplikasaun tenke halo ba iha formatu PDF.

• Aplikasaun tenke tau naran (rename) tuir pozisaun ne’ebe Itabo’ot sira aplika ba hanesan tuir mai ne’e:

Naran_Numeru Vaga

(Ezemplu: Xefe Departementu Jestaun Rekursus Umanus: AntonioAraujo_Vaga1),

• Favor submete Itabo’ot sira nia aplikasaun liu husi email: careers@tic.gov.tl ho data ikus 23 Marsu 2023, meia-noite.

SEI LA KONSIDERA APLIKASAUN NE’EBÉ LA KOMPLETU.

SEI KONTAKTU DE’IT BA KANDIDATU NE’EBÉ LIU IHA SELEKSAUN DOKUMENTUS.

KANDIDATU SELESIONADU SEI PRESIZA SUBMETE SERTIFIKADU REJISTU KRIMINÁL.

Obrigado barak ba atensaun,

Servisu Korporativu TIC TIMOR I.P.